Памёр апошні самец паўночнага белага насарога
У Кеніі памёр апошні самец паўночнага белага насарога. Супрацоўнікі запаведніка Ол-Педжэта вырашылі пазбавіць ад пакутаў 45-гадовага насарога па мянушцы Судан, які два тыдні нават не ўставаў праз узроставыя ўскладненні, і ўсыпіць яго, перадае Reuters.
World's last male northern white rhino dies in Kenya https://t.co/jJFdfgpn7rpic.twitter.com/BFcEQHbovp
Цяпер у свеце засталіся толькі дзве самкі белага насарога — Наджын (ёй 25 год) і 17-гадовая Фату. Яны таксама знаходзяцца ў кенійскім запаведніку пад аховай. У 2015 годзе пасля серыі спроб стала відавочна, што яны не змогуць зацяжарыць натуральным чынам. Для магчымага штучнага апладнення былі захаваны і замарожаныя ўзоры ДНК памерлых самцоў.
Белыя насарогі — другія па велічыні сухапутныя жывёлы пасля сланоў. Паўночны падвід насарогаў з'яўляецца найбуйнейшым.