Даслаць навіну
Знайсці
19.03.2018 / 18:58 14

Адным са стваральнікаў атруты «Навічок» быў беларус Анатоль Кунцэвіч. Загінуў ён таямніча

Ізраільская выведка Масад сачыла за стваральнікам яду «Навічок» генералам Анатолем Кунцэвічам да самай яго смерці ў 2002 годзе. Ён быў знойдзены мёртвым у самалёце пры таямнічых абставінах.

Акадэмік АН СССР Анатоль Кунцэвіч, які нарадзіўся ў 1934 годзе ў вёсцы Свіслач Магілёўскай вобласці, быў адным са стваральнікаў яду і з'яўляўся генерал-лейтэнантам, навукоўцам у галіне арганічнай і прыкладной хіміі.

Цікавасць ізраільскай выведкі да савецкіх распрацовак была абумоўлена асцярогай, што савецкая хімічная зброя можа трапіць у рукі арабаў, чые рэжымы СССР падтрымліваў.

Павялічыць выяву

Анатоль Кунцэвіч. Фота: vesty.co.il

У 1984 годзе ён быў прызначаны начальнікам хімічных войскаў Мінабароны СССР.

Да гэтага ён працаваў на Кубе, а затым у В'етнаме, праводзіў у Афганістане экспертызу амерыканскіх хімічных прыпасаў. Пасля распаду СССР Анатоль Кунцэвіч ня адышоў ад спраў, а ўзначаліў праграму па перапрацоўцы хімічнай зброі, паралельна стварыў і ўзначаліў Цэнтр экатаксіметрыі пры Інстытуце хімічнай фізікі імя Сямёнава РАН. Ён — аўтар і сааўтар больш за 280 навуковых прац, звыш 40 аўтарскіх пасведчанняў.

У 1993 годзе быў прызначаны прадстаўніком РФ у сірыйскім экалагічным цэнтры ў Джамрайне. Праз два гады дзярждэпартамент ЗША зацвердзіў персанальныя санкцыі супраць Кунцэвіча, абвінаваціўшы яго ў кантрабандзе рэчыва двайнога прызначэння.

Паведамляецца, што ў Масад вызначылі, што за дапамогу ў стварэнні тэхналогій па вытворчасці хімічнай зброі генералу перадаваліся значныя сумы грошай. Ізраільцяне пры дапамозе атрыманай інфармацыі хацелі націснуць на Маскву, пагражаючы «зліць» дадзеныя ў прэсу і выклікаць міжнародны скандал. Але Крэмль ніяк не адрэагаваў на пагрозы.

У выніку 29 красавіка 2002 года пры нявысветленых абставінах удзельнік праграмы «Навічок» быў знойдзены мёртвым у крэсле самалёта, што накіроўваўся з Алепа ў Маскву. Анатоль Кунцэвіч быў пахаваны ў Маскве на Траякураўскіх могілках. Паводле афіцыйнай версіі, смерць наступіла ад інфаркту.

42.tut.by

3
Кака-кола. / адказаць
20.03.2018 / 17:23
Андрэй Сахараў пакаяўся за свае ядравыя распрацоўкі, гэты "савецкі беларус"-не? Можа толькі калі "масад" яго прыбіраў як будучага планетарнага злачынцу? 
Палова(верагодна больш) вучоных ссср-бсср працавала на знішчэнне замежных людзей(мірных у тым ліку, а зараз пішуць агіткі пра ўкраінцаў-злыдняў, у люстэрка не паглядзеўшы)
А  нешта  карыснага для сваіх простых грамадзян не маглі зрабіць,ці не хацелі, бо на 95% ўсе распрацоўкі ў галіне аўтапрому -эканамічны шпіянаж. Ад Пабеды да масквіча. Нават джынсы не маглі пашыць нармальныя. Толькі фірму "Фіят"для выпуску жыгулей афіцыйна папрасілі пабудаваць завод ужо ў 70-я і потым папрасілі яе з'ехаць, бо тыя не хацелі плаціць сярэдні заробак нават тым, хто яго і не зарабіў-роўнасць паміж працаўнікамі і алкашамі.

2
прачнiцеся / адказаць
20.03.2018 / 19:57
Вучоныя , як вычварэнцы- на пагiбель людзей сваё шэрае рэчыва пераводзяць . Ганьба такiм , а былi ж i лаурэаты прэмii нобеля, за свае антычалавечыя вынаходнiцтвы. Крывадушша вышэйшага градуса, вынайсцi вадародную бомбу, а затым за мiр пазмагацца , каб атрымаць прэмiю . A пiпал у рот глядзеу i як мантру паутарау :'' великие умы'' ...
1
Мікола / адказаць
21.03.2018 / 00:43
Каб зацерці сьлады... Адзіная рэч што можа выясьніць ягоную сьмерць.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31