П'яны расіянін прыраўнаваў мінчанку да яе мужа — і атрымаў ад жанчыны нажом у жывот 

15 лютага ў мінскую бальніцу прывезлі п'янага 30-гадовага грамадзяніна Расіі з пранікальным раненнем брушной поласці. Як выявілася, нажом у жывот яго ўдарыла 34-гадовая сужыцельніца.

Яна знаходзіцца ў зарэгістраваным шлюбе з іншым чалавекам, але апошнія паўтара года жыла разам з замежнікам.

Падчас сумеснай п'янкі расіянін прыраўнаваў жанчыну да яе законнага мужа. Той прысылаў сваёй былой каханай смс-кі.

У выніку завязалася бойка, падчас якой расіянін атрымаў ад жанчыны ўдар кухонным нажом у жывот.

Заведзена крымінальная справа за наўмыснае прычыненне цяжкага цялеснага пашкоджання. Жанчыну могуць пасадзіць на 8 гадоў. Яна затрымана і змешчана ў ізалятар.

0

0

0

0

0

0