Даслаць навіну
Знайсці
16.03.2018 / 11:43 52

«Я свабодны»: хіт Кіпелава заспявалі па-беларуску ВІДЭА

Фолк-гурт Pawa разам з опернымі спевакамі Іллёй Сільчуковым і Вольгай Вашкевіч запісаў беларускі кавер на песню «Я свободен» — адну з самых вядомых кампазіцый Валерыя Кіпелава. Акцыя прымеркаваная да вялікага юбілейнага канцэрта гурта «Кіпелаў», які адбудзецца 31 сакавіка ў Палацы спорту.

Павялічыць выяву

У Мінск «Кіпелаў» прывязе найлепшыя песні і новы альбом «Звезды и кресты». Гэта першы прыезд калектыва ў сталіцу Беларусі за 5 год. Лідар гурта беларускую версію «Я свободен» ужо слухаў і ацаніў яе станоўча.

— Прачытанне Pawa мне спадабалася, — кажа Валерый Кіпелаў. — Добра, калі кавер-версіі зроблены якасна. А гэта менавіта той выпадак.

Тэкст песні на беларускую пераклаў фолк-музыка Віталь Воранаў. Аранжыроўку і інструментальныя партыі запісаў гурт Pawa, які спалучае ў сваёй творчасці фолк, рок і электроніку. Для лідара калектыву кавер стаў вяртаннем у юнацтва.

Павялічыць выяву

— Кіпелаў быў для мяне постаццю нумар адзін, калі яшчэ падлеткам у 90-х я ўпадабаў рок-музыку, — распавядае Юрый Панкевіч з Pawa. — Я набываў яго запісы ў складзе гурта «Ария» на касетах, я меў усю атрыбутыку таго часу: чорны заплечнік з надпісам «Я свободен», берцы і касуху з скурзаму. Усе песні і тэксты былі завучаныя на памяць і перажытыя. Дарэчы, гэта быў мой першы рок-канцэрт — памятаю, што адбываўся ён у цырку. Таму з задавальненнем пайду паслухаць Валерыя і зараз.

Галоўную партыю вакала ў беларускай версіі «Я свободен» выканаў Ілля Сільчукоў — адзін з найлепшых оперных барытонаў Беларусі, саліст Нацыянальнага акадэмічнага Вялікага тэатра Беларусі, запрошаны саліст вядучых оперных тэатраў Італіі, Германіі, Бельгіі, Францыі, Ізраіля, Чэхіі, Славакіі, Польшчы, Эстоніі і іншых краін.

— Валерый мае бязмежны голас, за якім угнацца вельмі складана нават прафесійным оперным спевакам. Я выдатна памятаю, як па яго запісах вучыліся тэнары ў нашым каледжы пры кансерваторыі. Ды і сама песня патрабуе шырокага дыхання і доўгай канцілены, таму спяваць яе вельмі няпроста, — кажа Сільчукоў. — Але адна з разынак нашай версіі — менавіта жаночы вакал Вольгі Вашкевіч, маёй калегі па Вялікім тэатры Беларусі.

31 сакавіка — Мінск, Палац спорту — 20:00

Квіткі: ад 63 руб, фан-зона — 73 руб.

Продаж: Chg.by, Kvitki.by, Ticketpro.by

Інфалінія: +375 44 722 87 40

2
Алексей / адказаць
18.03.2018 / 22:50
Не понравилось. Вокалисты не подходят.
0
Siaržuk / адказаць
20.03.2018 / 11:09
kipiełaŭ aktyŭna pucinu padpiavaje i z pucinskim załdastanavym-"bajkieram-hierurham" siabruje nakolki viadoma
0
Siaržuk / адказаць
20.03.2018 / 11:19
Хутар, tolki piesień pucinskaha padpiavały 25 i nie chapaje((( 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31