Мінтранс: Міжгароднія маршрутныя таксі аднаўляюць сваю працу
Пра гэта паведаміў БЕЛТА начальнік упраўлення аўтамабільнага і гарадскога пасажырскага транспарту Міністэрства транспарту і камунікацый Сяргей Дубіна.
«Міжгароднія аўтамабільныя перавозчыкі, якія раней працавалі ў нерэгулярных злучэннях, аднаўляюць сваю дзейнасць, але ўжо ў якасці рэгулярных перавозчыкаў. Рынак ажывае, зараз заключана 25 дагавораў з перавозчыкамі, якія раней працавалі як «нерэгуляршчыкі». Паводле гэтых дагавораў 135 машын змогуць працаваць на маршрутах: хтосьці з іх ужо ажыццяўляе перавозкі, хтосьці пачне ў найбліжэйшы час», — адзначыў ён.
Сяргей Дубіна таксама распавёў, што на гэтым тыдні быў заключаны першы дагавор паміж аператарам пасажырскіх перавозак і дыспетчарскай службай, згодна з якім дыспетчар афіцыйна прызнаны перавозчыкам.
«Гэта першы выпадак, калі дыспетчар становіцца і перавозчыкам.
Калі раней дыспетчар толькі браніраваў месцы і перадаваў гэтую інфармацыю «нерэгуляршчыкам», з якімі ён працаваў, то зараз дыспетчар будзе заключаць дагавор з аператарам на ажыццяўленне рэгулярных перавозак. Яму будуць даваць расклад, ён будзе несці адказнасць за зрыў рэйсаў. А ўжо потым дыспетчар будзе заключаць дагаворы са сваімі партнёрамі — ІП», — растлумачыў начальнік упраўлення. Ён удакладніў, што першы дагавор быў заключаны з «Полацкім экспрэсам».