Названа самая шчаслівая краіна свету па выніках 2017 года — Беларусь паміж Гандурасам і Турцыяй
Дацкі даследчы цэнтр The Happiness Research Institute апублікаваў папярэднюю версію рэйтынгу самых шчаслівых краін свету. Першы радок у ім заняла Фінляндыя.
Finland is the happiest country in 2018! #Finland#Happiness2018@HappinessRptpic.twitter.com/jylIjbFomW
Топ-10 самых шчаслівых краін быў апублікаваны ў твітары цэнтра. Першыя тры радкі ў ім займаюць Фінляндыя, Нарвегія і Данія.
Абсалютна большую частку пазіцый у спісе топ-10 заваявалі еўрапейскія краіны. З нееўрапейскіх ў спіс трапілі толькі Канада (7-е месца), Новая Зеландыя (8-е месца) і Аўстралія (10-е месца).
Самай нешчаслівай краінай свету ў 2017 годзе была прызнана Цэнтральна-Афрыканская рэспубліка.
Беларусь на 73 месцы паміж Гандурасам і Турцыяй. Цікава, што Беларусь апярэджвае Партугалію на чатыры месцы.
Усяго ў рэйтынгу 156 краін.
Цікава, што Беларусь прызнаная ў тым рэйтынгу трэцяй (пасля Егіпту і Іраку) краінай, найбольш непрыязнай да мігрантаў.
