Даслаць навіну
Знайсці
13.03.2018 / 21:24 17

Указка і электрашокер для «выхавання». У Барысаве судзяць прапаршчыка з Пячэй за дзедаўшчыну

У Барысаве судзяць прапаршчыка з 72-га вучэбнага цэнтра ў Пячах, паведамляе Tut.by. Гэта справа не звязана са смерцю Коржыча, хоць была заведзеная пасля татальнай праверкі ў частцы. Мужчыну абвінавачваюць у перавышэнні паўнамоцтваў, абразе салдат і атрыманні ад іх хабараў. Суд пачаўся яшчэ ў лютым, але пра працэс стала вядома толькі сёння.

Павялічыць выяву

Фота: Вольга Шукайла, Tut.by.

На судовай лаве — 25-гадовы прапаршчык Ігар Хішчанка з 59-й школы, дзе рыхтуюць спецыялістаў па эксплуатацыі і рамонце аўтатэхнікі. На перыяд разгляду яго адхілілі ад службы і ўзялі пад варту.

Мужчыну абвінавачваюць адразу па трох артыкулах Крымінальнага кодэкса. І калі за абразу салдат яму пагражае толькі арышт на некалькі месяцаў, то за перавышэнне паўнамоцтваў або хабар — ад 3 да 10 гадоў пазбаўлення волі.

Пацярпелымі па справе прызнаныя 18 чалавек, якія праходзілі службу ў Пячах ў 2016-м. У асноўным тады яны былі радавымі і падпарадкоўваліся старэйшаму па званні Ігару Хішчанку. Яшчэ амаль два дзясяткі чалавек, калегі, праходзяць сведкамі.

Хлопцы ўжо адслужылі і вярнуліся дадому ў розныя гарады і вобласці Беларусі. Таму цяпер іх дапытваюць па відэасувязі. Некаторыя ў дзеяннях прапаршчыка не бачаць чагосьці «крымінальнага», але прызнаюць: у статуце такое не прапісана.

Па матэрыялах справы, Хішчанка не раз біў салдат спецыяльным скруткам з газет, пераматаным скотчам. Або ўказкай, якая аднойчы зламалася ад удару.

У матэрыялах справы значыцца, што прапаршчык караў падначаленых фізічнымі практыкаваннямі пасля заняткаў. Напрыклад, «фінскі лыжнік» (рукі за галаву і скачкі з аднаго калена на іншае) або «Кока-Джамба» (прысяданне і скачок з гэтага становішча ўверх з выцягнутымі рукамі). Каб ускладніць задачу, салдата прымушалі апранаць бронекамізэльку або процігаз.

Пацярпелы Антон Прыбыткін, 24-гадовы трактарыст з Камянецкага раёна, добра памятае пра выкарыстанне электрошокера абвінавачаным.

Таксама пацярпелы атрымліваў па ягадзіцах скруткам з газет за «напэўна, я перашкодзіў прайсці», а яшчэ указкай. Памятае, як хадзіў з таварышамі ў буфет, за што «трэба было нешта купіць прапаршчыку». Напрыклад, пачак цыгарэт. Іншыя распавялі, як куплялі прапаршчыку піцу ці кока-колу. Усё за свой кошт.

Следчым хлопец таксама казаў, што прапаршчык пастаянна словамі прыніжаў курсантаў: «Не ведаю, з якой прычыны, здавалася, што мы вечна ўсё робім не так».

Адвакат прапаршчыка ўдакладніла ў пацярпелага, ці прыніжаліся такім чынам яго гонар і годнасць? Хлопец кажа, што не.

— А калі тры нарады па-за чаргой, таксама б не закранула? — удакладніў суддзя.

— Не.

— Так што для вас лепей: пайсці ў нарад ці?..

— Калі шчыра, мне ў нарадзе не падабалася, лепш атрымаць па ягадзіцах, — смеючыся, заявіў малады чалавек.

— Гэта значыць, у царскай арміі вы б прыжыліся …

На пытанне суда, якое пакаранне варта прызначыць прапаршчыку, абодва адказалі: строга не трэба.

У адрозненне ад іншых дапытаных, 25-гадовы сведка Уладзіслаў Абухоўскі адразу заявіў: у яго стаўленне да фігуранта зусім не «нармальнае».

— У яго заўсёды была непрыязнасць да салдатаў. Увечары «раздаваў»: каму скруткам па галаве, каму па плячах. Дзеля забавы, напэўна, — распавядае былы радавы, а цяпер працаўнік вагоннага дэпо. Паводле яго слоў, салдаты пры гэтым нічога не парушалі.

А вось за парушэнні прапаршчык караў рамянём, біў нават у машонку.

Ці прызнае сам прапаршчык віну, пакуль невядома. Яго яшчэ не дапытвалі ў судзе. Хоць адзін з пацярпелых згадаў: падчас іх вочнай стаўкі Хішчанка прасіў прабачэння, «што няправільна рабіў».

Вайскоўцу прад'яўленае абвінавачванне па ч.1,2 арт. 430 (Атрыманне хабару, паўторна), арт. 444 (Абраза начальнікам падначаленага ў сувязі з выкананнем абавязкаў вайсковай службы), ч.1 арт. 455 (Злоўжыванне ўладай або службовымі паўнамоцтвамі), ч.2 арт. 455 (Перавышэнне паўнамоцтвамі, спалучанае з гвалтам), а таксама па ч.1 арт. 14 і ч.2 арт. 455 (Замах на перавышэнне ўлады або паўнамоцтваў).

3
Leikobel / адказаць
14.03.2018 / 09:25
Все дело в том, что изначально в вооруженные силы страны набирались офицеры по принципу «кто больше даст» ещё в начале 90-х годов, вот сейчас и видны плоды той коммерческой комплектации. Говорю это потому, что сам, старший офицер, не смог попасть на военную службу на Родине из-за невозможности заплатить взятку и увоволили в 36 лет, несмотря на участие в боевых действиях на территории других государств. Вот тех первых начальников высоких судить надо за коррупцию и измену присяге, а не пацана, который всего лишь продолжил традиции... думаю, что это только первая ласточка того комплектованиям национальной армии, Шушкевичу спасибо надо сказать!
6
Leikobel / адказаць
14.03.2018 / 09:35
И еще, самое главное то, что любой командир от сержанта до полковника уверен в том, что в армию попадают только беззащитные, за которых вступиться некому, а все остальные просто косят. Вот от этого и такое чувство безнаказанности! А надо сделать так, чтобы служили все 100 процентов, кроме больных! И все никаких отсрочек на учебу: отслужи и учись! Вот тогда и будет достойный личный состав! Сделать очень легко и было это в конце 80-х и у нас.
0
раз'Юшан / адказаць
14.03.2018 / 09:40
Вось Яна лакмусавая паперка ўзроўню выхаванага менталітэту ў гэтае дзяржаве - армія!!! Нішто нас не можа прынізіць!??? Толькі незгібнелы не гнецца, а народ гатоў і ракам пастаўлены хадзіць?? Зло павінна быць пакарана! Ва ўсіх яго праявах і рангах! Менавіта дзяржава і павінна стаяць на абароне справядлівасці. А не тыя, што кажуць пацярплю, перацярплю, ды паслужыў бы пры царызме(хаця на маю думку гэта спрэчнае пытанне). Дзяржава і ўлада павінна выхоўваць у гамадстве годнасць і волю менавіта свайго народу, а не тое, што зараз адбываецца на Беларусі. Жыве Беларусь!!!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31