Саакашвілі расказаў, як Лукашэнка двойчы затроліў Пуціна ВІДЭА
На тэлеканале ВВС выйшла дакументальная стужка пра Уладзіміра Пуціна. У ёй маецца вясёлы момант пра Аляксандра Лукашэнку.
Праўдзівасць гісторыі пакінем на сумленні Міхаіла Саакашвілі і брытанскіх аўтараў стужкі «Пуцін: новы цар».
Саакашвілі распавёў у стужцы наступную гісторыю:
«Гэта было ў 2006 годзе, неўзабаве пасля таго, як Уладзімір Пуцін прыняў новы закон, які дазваляў КДБ забіваць здраднікаў за межамі Расіі, і неўзабаве пасля таго, як Аляксандр Літвіненка быў атручаны пасля наведвання сушы-бара ў Лондане.
Пасля саміту ў Мінску я быў на банкеце з Пуціным і Аляксандрам Лукашэнкам. Я збіраўся ў Лондан на сустрэчу з Тоні Блэрам і Лукашэнка жартаваў пра гэта.
«Міша, ешце добра тут, — ён параіў мне, — і нічога не ешце ў Лондане, асаблiва не сушы. Нават блізка не падыходзьце да сушы».
На гэтым Лукашэнка не спыніўся.
Ён сказаў, што самая бяспечная ежа ў Пуціна, і перадаў талерку Пуціна да Саакашвілі. У гэты момант Пуцін раззлаваўся, выпусціў відэлец і сказаў, што ён не меў ніякага дачынення да забойства Літвіненкі.
Лукашэнка, пажартаваў Саакашвілі з намёкам на апошні замах на Скрыпаля, параіў не наведваць ніякія італьянскія рэстараны ў раёне Солсберы.
