Даслаць навіну
Знайсці
13.03.2018 / 15:06 40

Далёка не 600 тысяч тон і не замест масла: выпраўляем памылкі пра пальмавы алей

У артыкуле «Беларускага партызана» паведамлялася, што пасля ўвядзення новых нарматываў Еўразійскага саюза беларусаў перавядуць з масла на пальмавы алей.

Павялічыць выяву

Згодна з аўтарамі артыкула, зараз у маргарын будуць класці выключна пальмавы алей замест масла. Маўляў, Мінскі маргарынавы завод ужо закупіў 600 тысяч тон такога алею.

Выявілася, што артыкул, на жаль, меў шэраг недакладнасцяў. Прыносім выбачэнні чытачам і тлумачым, што адбываецца насамрэч.

Новыя нормы сапраўды пачалі дзейнічаць. У студзені 2018 года скончыўся шасцігадовы пераходны перыяд, які быў прадугледжаны, каб вытворчасць паспела перабудавацца. Цяпер колькасць транс-ізамераў мусіць быць меншай — гэта праўда. У прадуктах перапрацоўкі раслінных алеяў і жывёльных тлушчаў, уключаючы тлушчы рыб, павінна ўтрымлівацца транс-ізамераў тлустых кіслот не больш за 2% ад усяго тлушчу ў прадукце.

Але раней маргарынавы завод выкарыстоўваў для вытворчасці сваёй прадукцыі не масла, як сцвярджалася, а саламас. Гэта цвёрды тлушч, які здабываюць з расліннага алею: сланечнікавага ці рапсавага, —

патлумачылі «Нашай Ніве» на Мінскім маргарынавым заводзе.

Цяпер саламас сапраўды заменяць пальмавым алеем.

Але закупяць яго не 600 тысяч тон. Кожны месяц-паўтара завод выкарыстоўвае каля 300 тон пальмавага алею. Такім чынам, на год максімум трэба 3500 тон (а то і менш).

Прычым раней, калі дзейнічалі старыя нормы, пальмавы алей усё роўна шырока выкарыстоўваўся. Яго закуплялі толькі ў 1,5—2 разу менш, чым цяпер.

«Хутчэй за ўсё, гэтыя новаўвядзенні пралабіравалі буйныя расейскія пастаўшчыкі пальмавага алею, — падзялілася меркаваннем крыніца з адміністрацыі завода. — Але нічога шкоднага ў ім няма. Уся Еўропа даўно ўжо выкарыстоўвае пальмавы алей, і нічога страшнага».

УШ

1
ласла / адказаць
14.03.2018 / 13:10
Россия обменяла ракеты на пальмовое масло и теперь его надо сожрать, чтобы не испортилось. Подключают беларусов.
0
Alex / адказаць
14.03.2018 / 16:20
Так всё равно -продукты гидрогенизации пальмового масла будут вынуждены использовать вместо сливочного-с соответствующим изменением вкуса тех же конфет...:(

0
Надежда / адказаць
11.08.2018 / 14:12
"Но ничего вредного в нем нет. Вся Европа давно уже использует пальмовое масло, и ничего страшного". Какое наглое враньё!!! В Европе пальмовое масло запрещено!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31