Вядучы «БелМузТБ» лічыць, што выкананне песень на беларускай мове робіць «недадатны» ўплыў на папулярнасць
Новы беларускі музычны праект Shuga даў інтэрв'ю каналу «БелМузТБ». І ўсё б нічога, але, задаючы пытанне вакалістцы Марыне Шугавай, вядучы шоу «Падслухана ў МАскве» здзівіўся, чаму яна вырашыла спяваць па-беларуску.
На думку вядучага Шуры Рапея, беларуская мова адразу робіць творчасць музыкаў менш крутой. З цытаты:
«Мы гэту тэму бачылі сто разоў: маладыя, амбіцыйныя, прабіўныя робяць круты матэрыял на беларускай мове і гэта… аказваецца не заўсёды дадатна».
Далей ён, пачуўшы, што артыстка ў будучыні не збіраецца абмяжоўвацца адной мовай, а можа заспяваць і па-руску, і на англійскай, дадае: «Значыць на беларускай мове ты не спыняешся, будзеш разнапланавай».
Глядзець відэа раім з 56-й секунды.
Шура Рапей з'яўлецца вядучым праграмы з дзіўнай для беларускага канала назвай «Падслухана ў МАскве» пра «гарачыя навіны ў свеце шоў-бізнесу, спорту, музыкі і блогераў». Таксама ён лічыцца сузаснавальнікам праекта «Найлепшыя блогеры Беларусі».