Сі Цзіньпін атрымаў права кіраваць пажыццёва
Сі Цзіньпін (злева) з Уладзімірам Пуціным. Фота kremlin.ru.
Дэпутаты Усекітайскага сходу народных прадстаўнікоў адобрылі папраўкі ў Канстытуцыю.
У канстытуцыю ўнесеныя ідэі Сі Цзіньпіна пра новую эпоху развіцця сацыялізму з кітайскай спецыфікай.
З канстытуцыі выключаны абмежаванні паўнамоцтваў да двух тэрмінаў запар на знаходжанне на пасадзе старшыні КНР і яго намесніка.
Супраць рашэння прагаласавалі два дэпутаты, трое ўстрымаліся, амаль 3 тысячы ўхвалілі гэтую ініцыятыву. Цяпер старшыня КНР Сі Цзіньпін можа быць пераабраны на трэці тэрмін у 2023 годзе.
Ён заняў пасаду старшыні КНР у 2013 годзе, а за год да гэтага стаў генеральным сакратаром Цэнтральнага камітэта Камуністычнай партыі Кітая.
Дзеючая канстытуцыя КНР прынятая ў 1982 годзе. Папраўкі ў асноўны закон ўносіліся ў 1988, 1993, 1999 і 2004 гадах.
