Даслаць навіну
Знайсці
11.03.2018 / 07:35 29

Беларус Кірыл Рэліх стаў чэмпіёнам свету па боксе, перамога разгромная

Раніцай (па мінскім часе) 11 сакавіка ў Сан-Антоніа адбыўся бой за вакантны пояс чэмпіёна свету WBA ў паўсярэдняй вазе (да 63,5 кг) паміж беларусам Кірылам Рэліхам і нябітым кубінцам Ранзесам Бартэлемі.

Гэта была іх другая сустрэча: у папярэднім баі суддзі аддалі перамогу Бартэлемі, хаця бой ён дакладна не выйграў.

Тады выйшаў скандал з прызначэннем неадкладнага рэваншу, а суддзям першага бою WBA выказала недавер.

Другі бой ад самага пачатку прайшоў пад дыктоўку беларуса, Бартэлемі не здолеў паказаць нічога чэмпіёнскага: ён правёў cустрэчу ў абароне, перыядычна выкідваючы аматарскія ўдарныя серыі з хукаў, якія не наносілі шкоды Рэліху. 

Павялічыць выяву

Апроч таго, кубінец баксіраваў вельмі брудна: ён, як кажуць баксёры, «усю дарогу лупіў па шарах», ударыўшы ніжэй за пояс прынамсі пяць разоў.

І калі чатыры разы гэта глядзелася як быццам бы ненаўмысна, то ў 12-м раўндзе ён ударыў у пах наўпроставым ударам.

У выніку, лік у сустрэчы атрымаўся проста разгромным па версіях усіх суддзяў.

Кірыл Рэліх — новы чэмпіён свету!

«Як гэта, стаць чэмпіёнам свету з Беларусі?» — спыталі ў яго адразу пасля бою.

«Гэта была мая мара, мая мэта, да якой я ішоў 20 год», — сказаў Рэліх. 

Наступны бой Рэліх хоча правесці з пераможцам бою Майкі Гарсія — Сяргей Ліпінец, каб аб'яднаць свой чэмпіёнскі тытул WBA з тытулам IBF. Як стала вядома сёння, Майкі Гарсія стаў чэмпіёнам свету па версіі IBF у першай паўсярэдняй вазе.

Рэліх, нагадаем, пазалетась спрабаваў адабраць тытул чэмпіёна свету ў Рыкі Бёрнса, і нават адправіў яго на падлогу, але тады эксперты сышліся ў думцы, што немагчыма адабраць пояс у брытанца пры суддзях брытанцах, калі бой праходзіць у Брытаніі.

***

Кірыл Рэліх паходзіць з Баранавіч, з жонкай у іх двое дзяцей.

Доўгі час Кірыл трэніраваўся ў мінскага спецыяліста Сяргея Пыталева, потым перайшоў да колішняй брытанскай зоркі Рыкі Хатана, але пакінуў яго каманду праз «псіхалагічны дыскамфорт». 

Да чэмпіёнскага бою Рэліх спачатку рыхтаваўся ў Мінску са сваім сябрам і трэнерам Сяргеем Рабчанкам, але потым, праз ультыматум арганізатараў бою, вылецеў у трэніровачны лагер у ЗША. 

Чытайце таксама: Што гэта за пояс WBA, які заваяваў беларускі баксёр Кірыл Рэліх? Тлумачым

АЯ

0
Дед Мороз / адказаць
11.03.2018 / 19:49
Дзякуй за перамогу!
0
Веравойша / адказаць
12.03.2018 / 08:22
Ваяр! Малайчына!
0
бамбардувальнік над Докшыцамі / адказаць
13.03.2018 / 08:07
у Баранавічах усе мужыкі такія
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31