Памёр дыпламат Валянцін Вялічка, які 15 гадоў быў паслом Беларусі ва Украіне

На 74-м годзе пайшоў з жыцця дыпламат, кандыдат эканамічных навук Валянцін Вялічка, паведамляе БЕЛТА.

З 1968 па 1993 год ён працаваў на розных пасадах у Гомельскім абкаме камсамола, Гомельскім абласным савеце прафсаюзаў, Савецкім райкаме КПБ Гомеля, Гомельскім аблвыканкаме, Савеце аб'яднання прафсаюзаў Гомельскай вобласці.

У 1993-1997 гадах Вялічка узначальваў пасольства Беларусі ў Латвіі і Фінляндыі па сумяшчальніцтве.

У 1997-1998 гадах ён займаў пасаду міністра па справах СНД.

З 1998 па 2001 год Вялічка працаваў на кіруючых пасадах у сістэме МЗС Беларусі: пасол па асобых даручэннях, першы намеснік міністра замежных спраў.

З 2001 па 2016 год быў паслом ва Украіне.

0

0

0

0

0

0