Даслаць навіну
Знайсці
08.03.2018 / 15:34 19

Пляменніца Луцкевічаў: Устаноўку памятнага каменя ў парку Янкі Купалы арганізавалі і фінансавалі ўлады Беларусі

Павялічыць выяву

Фота Максіма Ляшко

Унучатая пляменьніца Івана і Антона Луцкевічаў Маргарыта Пярова, якая жыве ў Санкт-Пецярбургу, у інтэрвію Сяргею Абламейку на радыё «Свабода» расказала, хто і як спрычыніўся да ўстаноўкі памятнага каменя з шыльдай у парку імя Янкі Купалы ў Менску.

— Маргарыта, хто мае дачыненьне да ўстаноўкі памятнага каменя?

— Размовы пра кампраміс паміж камітэтам БНР100 і ўладамі ў справе ўсталяваньня памятнага каменя не адпавядаюць сапраўднасьці. Аргкамітэт БНР100 ня мае ніякага дачыненьня да помніка.

Усё гэта рабілася агульнымі намаганьнямі нашчадкаў Луцкевічаў, Музэю імя Янкі Купалы, ЗБС «Бацькаўшчыны», Міністэрства замежных спраў і дэпутатаў Палаты прадстаўнікоў. Выканаўца гэтага помніка — Менскі гарадзкі выканаўчы камітэт. Менгарвыканкам і фінансаваў усю справу.

— Хто ініцыяваў устаноўку памятнага каменя з шыльдай?

— Ініцыятыва была яшчэ пяць гадоў таму. Ад імя нашчадкаў Луцкевічаў, раскіданых па ўсім сьвеце, я зьвярнулася да Міністэрства культуры і да Менгарвыканкаму. Паколькі я жыву за мяжой, уся справа зацягнулася.

Некалькі разоў мы атрымлівалі адмовы. Спачатку былі няправільна аформленыя паперы. Потым, у 2014 годзе, Міністэрства культуры адмовіла з той прычыны, што гэта ня мае дачыненьня да купалаўскай тэматыкі ў парку Янкі Купалы. Але Музэй Янкі Купалы запярэчыў, бо на думку музэйных супрацоўнікаў, памятны камень з шыльдай паспрыяў бы экскурсійным маршрутам, якія арганізоўвае музэй.

І вось пасьля VII зьезду беларусаў сьвету, калі вельмі добра выступіў міністар замежных спраў Уладзімер Макей, які казаў пра патрэбу вяртаць каштоўнасьці на радзіму, мне здалося, што цяпер троху зьмяніліся часы і можна паспрабаваць зноў падаць паперы у Міністэрства культуры і гарвыканкам.

Вельмі падтрымаў і дэпутацкі корпус. Паперы зноў былі пададзеныя ад калектыву заяўнікаў, у тым ліку ад Музэю імя Янкі Купалы, ад ЗБС «Бацькаўшчына», ад нашчадкаў Луцкевічаў. Паперы я зноў падала ў жніўні 2017 году, а ў сьнежні ўжо падала цалкам аформленыя паводле патрэбнага ўзору.

Там быў ужо і зварот МЗС Беларусі да Менгарвыканкаму, там быў і мой зварот да дэпутацкага корпусу і да Міністэрства культуры. У студзені 2018 году дазвол быў дадзены.

— Давайце яшчэ раз удакладнім. Хто ўрэшце фінансаваў устаноўку памятнага каменя з шыльдай?

— У звароце Міністэрства замежных спраў да Менгарвыканкаму ўтрымлівалася просьба знайсьці грошы на ўстаноўку памятнага каменя. Падтрымаў і дэпутацкі корпус Палаты прадстаўнікоў

У выніку выканаўцам усёй справы стаў Менскі гарадзкі выканаўчы камітэт — ён фінансаваў праект і ўстаноўку. Усё зроблена за кошт Менгарвыканкаму.

— А хто стварыў праект памятнага каменя з шыльдай?

— Я шукала архітэктара і скульптара. Згадзіўся вядомы архітэктар Юры Градаў. 27 студзеня адбылося паседжаньне архітэктурнай рады, на якім і быў зацьверджаны праект. І вось так хутка ўсё было зроблена. Дзякуй вялікі ўсім, хто спрычыніўся да гэтай справы.

Сяргей Абламейка, радыё «Свабода»

2
Сябра БНФ / адказаць
08.03.2018 / 21:49
На наступным тыдні чакайце новых нечаканых падзеяў, зьвязаных з ушанаваньнем стагодзьдзя БНР. Як чакаецца, на іх тле адыйдуць на другі плян і ўсталяваньне гэтай дошкі, і ўсталяваньне знаку на будынку дзе была абвешчаная трэцяя ўстаўная грамата.
2
Гісторык / адказаць
08.03.2018 / 22:25
Што ж, спатрэбілася 11 год, дзясятак гандлёвых войнаў, акупацыя крыма і вайна ў суседзяў каб нешта зразумець і пачаць рабіць правільныя рэчы.
4
лишь бы обгадить / адказаць
09.03.2018 / 09:40
Люстэрка, беларускі народ, ад імя якога вашая суполка тут штодня  барабаніць па клаве, - гэта не вашая суполка сектантаў.  Вы дробязь! Вам і вашаму правадыру няма чаго пазіраць на грошы на помнік і нешта тлумачыць на гэты конт, бо вы ў гэты помнік аніводнага рубля ўнёска не зрабілі. Адзінае, што вы тытанічна робіце шмат год, -  гэта любым чынам раз'яднаць той самы народ, ад імя якога гарлапаніце і які вас за сваіх прадстаўнікоў ніколі не ўважаў і не выбіраў.  Вы самі сябе прызначылі ў настаўнікі і правадыры гэтага народа, на якога вам напляваць, бо вас турбуе адно ваш лёс - лёс вечных балбатуноў і палітычных неўдачнікаў, што сядзяць у замежжы.

Вектор, "та госпожа" живет там, где ей нравится - независимо от того, нравится ли это некоему нику "Вектору" и прорицателям типа "сябра БНФ". Нечем, откровенно говоря, гордится ни самому БНФ и его филиалам, ни его т.н. "сябрам". Поскольку это - исторический пшик, и не более того. И этому словесному пшику в этом году исполняется уже 30 лет... "Слова, слова, слова..." (с)

А розным "Гісторык"ам не зашкодзіла б ведаць (калі яны сапраўды гісторыкі), што ў Гісторыі ўсё адбываецца не так, як камусьці хацелася б, а менавіта так, як маглося-здарылася. І калі ў рэшце рэшт нешта станоўчае адбылося, то і файна! Можа нейкі "Гісторык" сам усё зрабіць тут і зараз (акром напісання тэкстаў), то й няхай зробіць. А мы з імпэтам будзем вітаць ягоную спрытнаць і дальнабачны розум. Магчыма, нават розныя люстэркі да нас далучацца сваімі пафаснымі пастамі і цытатамі з бруклінскага прарока, а ўжо што народ будзе задаволены - дык тое і пяром не апісаць! 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30