БТ троліць Севярынца: Дэкрэт Лукашэнкі №7 прыйшоўся даспадобы нават апазіцыі ВІДЭА
У перадачы «Галоўны эфір» на тэлеканале «Беларусь-1» вялікі рэпартаж быў прысвечаны Дэкрэту №7, які быў прыняты Аляксандрам Лукашэнкам з мэтай стымулявання дзелавой ініцыятывы.
«Гэты Дэкрэт аказаўся настолькі эфектыўным, што прыйшоўся даспадобы нават апазіцыі. Павел Севярынец разам з жонкай Вольгай літаральна праз два тыдні пасля публікавання новага дэкрэта зарэгістравалі ІП. Яны сталі гандляваць майкамі, кубкамі, сувенірамі праз інтэрнэт, вешаць ахвотным на вушы самаробныя завушніцы. Прадпрымальная пара прапануе супрацоўніцтва і іншым, напрыклад, рамеснікам. Прапануюць пашырыць свой асартымент кнігамі», — іранізавалі вядучыя.
Сам Павел Севярынец глядзіць на гэта не настолькі аптымістычна. «Мабыць, няма іншых фактаў па дэкрэце, калі вырашылі згадаць Севярынцаў. Насамрэч, на афармленне інтэрнэт-крамы мы збіралі дакументы каля 1,5 месяцаў. Усё не так ружова і бязвоблачна, як падаюць на дзяржаўным тэлебачанні. Столькі ўсялякіх умоваў, што, магчыма, мы б і не ўзяліся, каб ведалі ўсё ад пачатку», — кажа Севярынец.
