Аўтамабіль міліцыі трапіў пад цягнік у Добрушскім раёне: загінуў міліцыянер
Фота: gomel.today
На нерэгулюемым пераездзе недалёка ад вёскі Чырвоная Буда ў Добрушскім раёне ўвечары 3 сакавіка аўтамабіль трапіў пад цягнік. Гэтую інфармацыю пацвердзілі БелТА ў ДАІ Гомельскага аблвыканкама.
Паводле інфармацыі gomel.today, у аўтамабілі (мяркуючы па фота ў сацсетках, гэта была «Газель») знаходзілася аператыўная група РАУС. У машыне знаходзіліся тры міліцыянеры: адзін з іх загінуў, яшчэ адзін атрымаў сур'ёзныя траўмы ў аварыі, ён ў рэнімацыі.
Гэтую інфармацыю пацвердзіла чытачка gomel.today, якая папрасіла не называць яе імя. Паводле яе, у аўтамабілі было тры міліцыянеры, чацвёрты быў затрыманым, якога везлі ў міліцыю.
Загінуламу міліцыянеру, паведамілі карыстальнікі, было 32 гады.
ДТЗ адбылося ў складаных умовах надвор'я: была моцная завея і слабая бачнасць. Прычыны і абставіны аварыі высвятляюцца.