Эдуард Успенскі падасць у суд на «Саюзмультфільм» за выхад працягу «Прастаквашына»
Дзіцячы пісьменьнік Эдуард Успенскі, аўтар аповесці «Дзядзька Фёдар, сабака і кот», па матывах якой былі знятыя папулярныя савецкія мультфільмы «Трое з Прастаквашына», «Канікулы ў Прастаквашына» і «Зіма ў Прастаквашына», збіраецца падаць у суд на кінастудыю «Саюзмультфільм». Прычына — выхад працягу легендарнага мультсерыяла, расказаў пісьменнік карэспандэнту «Палітыка Сёння».
Фота гэтае і ніжэй: wikipedia.org
«Я адмоўна стаўлюся да працягу. Таму што студыя са мной нічога не ўзгадняе, не паказвае сцэнар. Усё робіць сама. Чамусьці лічаць, што ўсе правы належаць студыі, а ў мяне пытацца наогул не трэба», — наракае Успенскі.
Ён паведаміў, што будзе звяртацца ў суд, як толькі выйдзе першая серыя працягу.
«Пакуль не было факту. Кожны месяц яны абяцаюць, што заўтра пачнецца паказ», — адзначыў пісьменнік.
Эдуард Успенскі
Апошнім анансаваным тэрмінам з'яўляецца 1 красавіка. Пляцоўкай, дзе пакажуць першую серыю працягу «Прастаквашына», стане YouTube. Усяго кінастудыя плануе выпусціць да 2020 года 30 серый, па 6,5 хвіліны кожная. Кот Матроскін, якога раней агучваў Алег Табакоў, у сучаснай версіі загаворыць голасам акцёра Міхаіла Яфрэмава. Голасам Шарыка стане Гарык Сукачоў, паштальёна Печкіна агучыць Іван Ахлабысцін.
