Ксенія Жук з Naviband падзялілася першым ФОТА свайго дзіцяці
У снежні мінулага года Арцём Лук’яненка і Ксенія Жук у кліпе «А дзе жывеш ты?» пацвердзілі здагадкі наконт папаўнення ў іх творчай сям’і.
Ксюша сапраўды чакае першынца, але нават на вялікім тэрміне працягвае актыўна выступаць на сцэне. Дарэчы, 9 сакавіка чакаецца іх чарговы сольны канцэрт у мінскім «Прайм-холе». Таму будучы хлопчык ці дзяўчынка (бацькі пакуль не называюць пол) загадзя выхоўваецца артыстам.
У ранейшых інтэрв’ю Ксюша і Арцём казалі, што ў першынца будзе «сапраўды беларускае імя».
Цяпер Ксенія падзялілася першым фотаздымкам дзіцяці: на ультрагукавым даследаванні выразна бачная яго ножка. «Хай за акном снежна, мы ўсё роўна жадаем вам вясновага настрою і перадаём прывітанне ад нашага маленькага чалавечка», — напісала спявачка ў сваім інстаграме.
Зычым сям'і музыкаў шчасця і здароўя!
