Яшчэ аднаго беларуса затрымалі ва Украіне за георгіеўскую стужку ў аўто

Супрацоўнікі Дзяржпагранслужбы Украіны выявілі ў салоне машыны грамадзяніна Беларусі георгіеўскую стужку, паведамляе сайт службы.

28 лютага ў міжнародным пункце пропуску «Даманава» на ўезд ва Украіну прыбыў транспартны сродак «Volkswagen», якім кіраваў грамадзянін Беларусі. Падчас агляду аўтамабіля памежнікі Луцкага атрада выявілі георгіеўскую стужку, якая знаходзілася на люстэрку задняга віду ў салоне аўто.

Кіроўцу аўтамабіля затрымалі і перадалі паліцыі. Яму пагражае адміністрацыйная адказнасць па арт. 173-3 (Выраб і прапаганда георгіеўскай стужкі).

0

0

0

0

0

0