ЗША набудзе ва Украіны адзін танк
Завод імя Малышава, што ва Украіне, паставіць на экспарт у ЗША адзін танк «Оплот», паведамляе інфармацыйнае агенцтва «Оборонно-промисловий кур’єр».
На думку суразмоўцы агенцтва, пастаўкі выглядаюць дужа перспектыўнымі, і гаворка таксама ідзе аб вывучэнні амерыканскім бокам украінскіх тэхналогій і верагодным вайскова-тэхнічным супрацоўніцтве з Украінай.
«Оплот» пабудаваны на базе савецкага танка Т-80УД і абсталяваны шматслаёвай камбінаванай бранёй. Асноўным узбраеннем танка з'яўляецца 125-міліметровая гладкаствольная гармата КБАЗ, якая ёсць копіяй з невялікімі мадыфікацыямі гарматы 2А46М-1 канструкцыі 1970 году. За рухомасць танка адказвае дызельны рухавік аб'ёмам 16,3 літра і магутнасцю 1200 к. с.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера