Пяць прычын трапіць на канцэрт «Крамы»
4 сакавіка (нядзеля), рэстарацыя «Сябры» (Кульман, 40). Пачатак а 19.00.
1. Магчымасць пачуць нажывую старыя ўлюбёныя рок-хіты
Гісторыя «Крамы» бярэ пачатак аж у 1991-м. За гэты час гурт паспеў стварыць не адзін хіт. Пачуць іх жыўцом — унікальна і неверагодна.
2. Атмасфера!
Калі вы хоць раз былі на канцэрце «Крамы», вы разумееце, пра што мы кажам. Вялікі, але ўтульны бар, добрае піва, традыцыйны і смачны беларускі рок — усё гэта прымушае спяваць, танчыць і забывацца на жыццёвыя праблемы. Тым больш нядзеля, хлопцы і дзяўчаты!
3. Шанец пачуць сусветныя хіты па-беларуску
«Крама» — адзін з паспяховых аўтараў беларускамоўных кавераў замежных рок- і поп-хітоў. Памятаеце «Прыгажуню»/Pretty Woman? Рой Орбісан бы зацаніў! Акром таго, у творчасці «Крамы» знайшлося месца для кавераў на Bella Ciao, шмат і іншых апрацовак, запісаных для праектаў, прысвечаных сусветна вядомым зоркам музыкі: гурта Depeche Mode — Enjoy The Silence, Pink Floyd — Another Brick in The Wall.
4. «Крама» аднаўляе песню на верш Міхала Анепмадыстава!
4 сакавіка — унікальная магчымасць паслухаць незаслужана забытую песню «Бонды» «Да неба», напісаную на тэкст Міхала Анемпадыстава, у сучасным адноўленым варыянце. Такога яшчэ не было (а можа і не будзе)!
5. Што яшчэ рабіць у першую вясновую нядзелю?
Вы толькі падумайце: вялікі атмасферны рок-канцэрт! Ці гатовыя вы прамяняць яго на нешта іншае? Тым больш хто яго ведае, калі такое будзе ў наступны раз). Квіткі яшчэ ёсць!
