Першае ў свеце лятаючае таксі паказалі на відэа

Кампанія Airbus апублікавала відэа палёту першага лятаючага таксі Alpha One праекта Vahana.

Выпрабаванні прайшлі ў амерыканскім штаце Арэгон і доўжыліся 53 секунды. Па дадзеных распрацоўшчыкаў, беспілотны апарат можа падняць вагу да 745 кілаграм, але ў кабіне ёсць месца толькі для аднаго пасажыра.

Аэратаксі працуе цалкам на электрычнасці і мае некалькі матораў. У кампаніі адзначаюць, што магутнасць Vahana дазваляе падымацца ў паветра на вышыню больш за пяць тысяч метраў.

Кампанія Airbus плануе вывесці прадукт на рынак да 2020 года.

0

0

0

0

0

0