Рассельгаснагляд у чарговы раз можа забараніць беларускае малако
Рассельгаснагляд ўсё часцей выяўляе ў беларускіх малочных прадуктах забароненыя і шкодныя рэчывы і таму гатовы ўвесці забарону на пастаўкі прадукцыі ўжо не з асобных прадпрыемстваў, а з цэлых абласцей, паведамляе сайт расійскага ведамства.
У Рассельгаснаглядзе адзначаюць, што ў апошні час сталі больш частымі выпадкі паставак у Расію беларускай прадукцыі са слядамі забароненых і шкодных рэчываў.
Па стане на 20 лютага ведамства зафіксавала 32 выпадкі парушэння патрабаванняў і нормаў ЕАЭС у адпаведных прадуктах, з іх у 65,6% выпадкаў выяўлены рэшткі забароненых і шкодных рэчываў.
Зараз 42 беларускія прадпрыемствы знаходзяцца ў зоне падвышанай увагі Рассельгаснагляду, інфармуе ведамства. Забароненыя і шкодныя рэчывы, у прыватнасці, неаднаразова выяўляліся ў сухіх малочных прадуктах вытворчасці ААТ «Бабушкіна крынка» з Магілёўскай вобласці.