Знайсці
20.02.2018 / 13:11161РусŁacБел

Дырэктарка мінскай школы: «Дзе напісана, што я павінна разумець беларускую мову?» Мінадукацыі: «Яна не мусіць так выказвацца»

54-гадовы жыхар Мінска Ігар Хляба, назіральнік на выбарах, звярнуў увагу на паводзіны старшыні камісіі на ўчастку №64 Фрунзенскага раёна Мінска, які знаходзіўся ў школе №185.

Старшыня камісіі — дырэктарка школы №185 Галіна Юрцэвіч — адмаўлялася разумець беларускую мову: не разумела, што напісана ў пратаколе-накіраванні, не ўспрымала вусную гаворку.

Ці можа быць такое ў сучаснай Беларусі? «Наша Ніва» патэлефанавала ў гэтую школу, каб спытаць Галіну Юрцэвіч асабіста. 

Галіна Іванаўна Юрцэвіч.

Дырэктарка спачатку скіравала нас з усімі пытаннямі да выбарчай камісіі, мяркуючы, што там будуць у курсе пра ўзровень валодання беларускай самой Юрцэвіч. Таму мы перапыталі яшчэ раз. 

«А дзе напісана, што дырэктарка школы павінна беларускую мову разумець? Я не ведаю, што такое «дырэктарка», да пабачэння», — сказала жанчына і спыніла размову. 

Юрцэвіч выкладае ў школе «Асновы бяспекі жыццядзейнасці» і грамадазнаўства. Ці дапушчальна настаўнікам не ведаць беларускую мову, працуючы ў школе, ды яшчэ і дырэктарам?

Мы адрасавалі гэтае пытанне ў прэс-службу Мінадукацыі. 

«Канечне, дакумента, які б прапісваў, колькі моваў мусіць ведаць дырэктар, няма. Але любы пісьменны чалавек павінен ведаць некалькі моваў, асабліва сваю. І мы гэта данясём, яна не павінна была так выказвацца», — адказала прэс-сакратарка ведамства Людміла Высоцкая.

АЯ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера