Знайсці
20.02.2018 / 06:2229РусŁacБел

Кіеў ацаніў ідэю адпраўкі беларускіх міратворцаў на Данбас

ТАСС

Беларусь не можа браць удзел у міратворчай місіі ААН у Данбасе, бо з'яўляецца членам Арганізацыі Дамовы аб калектыўнай бяспецы (АДКБ). Такую заяву зрабіла намесніца міністра замежных спраў Украіны па еўрапейскай інтэграцыі Алена Зеркаль у эфіры «5 канала».

«Наколькі я ведаю, Беларусь з'яўляецца сябрам гэтай арганізацыі. А калі мы выключаем НАТА, то вельмі лагічна, каб мы не казалі, што краіны АДКБ таксама ўдзельнічаюць у місіі», — цытуе яе словы РБК.

У сваёй заяве прадстаўнік украінскага замежнапалітычнага ведамства таксама заўважыла, што ў пытанні міратворчай місіі ў Данбасе «гуляць па правілах Расіі ніхто не будзе».

На мінулым тыдні Аляксандр Лукашэнка заявіў пра гатоўнасць накіраваць міратворцаў на лінію размежавання ў Данбасе, калі такая дамоўленасць будзе дасягнута расійскім і ўкраінскім бокам.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера