Жыхар Барысава задушыў маці, бо яна не дала яму грошай на гарэлку

53-гадовы мужчына раніцай пасварыўся з маці. Ён папрасіў у яе грошай, каб схадзіць у краму па алкаголь. Жанчына адмовілася даваць грошы сыну і пачала крытыкаваць яго лад жыцця.

У выніку мужчына задушыў 82-гадовую маці. Пасля ўзяў грошы і ўсё ж схадзіў у краму. Набыў спіртное.

Цела жанчыны знайшла на наступны дзень суседка. Яна і выклікала міліцыю.

Сына загінулай хутка знайшлі і затрымалі.

Мужчына працаваў муляром, раней судзімы не быў.

Цяпер яму пагражае ад 8 гадоў да пажыццёвага зняволення ці нават расcтрэлу.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0