Даслаць навіну
Знайсці
17.02.2018 / 19:40 42

Бацькі зноў абураюцца незразумелымі паборамі ў маладзечанскай школе. Дырэктарка: Яны ўсё прыдумляюць

У Рэдакцыю звярнулася маці аднаго з вучняў маладзечанскай сярэдняй школы №14. Кіруе ёй Каліна Капуцкая, цяпер яна балатуецца ў мясцовыя дэпутаты. Гэта тая самая школа, што ў снежні праславілася на ўсю краіну, зрабіўшы платны ўваход для бацькоў на пераднавагодні дзіцячы ранішнік. Пасля таго, як сітуацыя шырока абмяркоўвалася ў прэсе, гэтае новаўвядзенне адмянілі. Але бацькі скардзяцца, што паборы як былі, так і застаюцца.

Павялічыць выяву

Маладзечанская сярэдняя школа №14. Фота з сайта навучальнай установы.

Маці, якая гутарыла з намі, папрасіла не называць ні яе імя, ні клас, у якім вучыцца дзіця, паколькі не хоча, каб пасля хтосьці на ім «адыгрываўся». Жанчына кажа, што звяртаецца не толькі ад сябе, а ад супольнасці бацькоў школы, якія хочуць спыніць пастаянныя грашовыя зборы.

«Бацькам званілі на мабільныя тэлефоны і казалі: «Ваша дзіця будзе ўдзельнічаць у школьным ранішніку, там будзе танец, таму з вас 15 рублёў». Нам тлумачылі, што школа нібыта будзе шыць касцюмы для гэтага танца. Калі ж мы пыталіся, ці аддадуць нам потым гэтыя касцюмы назад, бо мы плацім за іх грошы, нам адмаўлялі: «Мы не можам. Уявіце, калі б мы ўсім раздавалі касцюмы, што б тады атрымалася?»» — распавядае пра сітуацыю маці школьніка.

З яе слоў, бацькам, якія казалі, што не змогуць прынесці гэтыя грошы, настаўніца танцаў адказвала так: «Тады ваша дзіця не будзе танцаваць».

«Гэта, канечне, моцна зачапіла многіх бацькоў. Мы лічым несправядлівым, што нехта з дзяцей не будзе дапушчаны да ранішніка, таму што бацькі не змаглі прынесці 15 рублёў. Прычым незразумела каму і на што. Мы ж нават не ведаем, ці сапраўды будуць шыць касцюмы, нам ніхто ніколі не даваў справаздачу, куды пайшлі грошы! Гэта не першы раз, яны так дзейнічаюць на працягу гадоў пяці. Бацькі моўчкі нясуць грошы, а рэчы, нібыта набытыя за іх, потым ніхто не вяртае», — працягвае суразмоўца.

Паводле яе слоў, настаўніца танцаў таксама прапаноўвала некаторым бацькам, якія хочуць забраць касцюмы, даплаціць. 

Бацькі ўжо паскардзіліся на гэтую сітуацыю ва Упраўленне адукацыі Мінаблвыканкама. Тым, хто ўжо паспеў здаць грошы, іх вярнулі і прынеслі прабачэнні.

Павялічыць выяву

Каліна Капуцкая, дырэктарка. Фота з сайта школы.

Мы звярнуліся да дырэктаркі школы Каліны Капуцкай з просьбай патлумачыць сітуацыю, але яна сцвярджае, што чуе пра яе ўпершыню:

«Ні з каго ніхто нічога не збірае. Я не ведаю, што вы мне такое гаворыце. Якія ранішнікі? Такога няма. Вас дэзынфармавалі. Няхай да мяне прыходзяць і вырашаюць пытанне. Да мяне ніхто не звяртаўся», — пракаментавала яна.

НР

0
дзимитр / адказаць
22.02.2018 / 16:13
нехта косиць бабули на будауництве, какеи, а нехта на касцюмах, хто на што вывучыуся (казала мая бабуля).
0
Ілля / адказаць
22.02.2018 / 17:18
спыніць усе гэтыя паборы можа толькі Вясна
0
Дзянис / адказаць
22.02.2018 / 19:03
мне гэта нагодвае армейку (94-96гг) кожны прызыу купляу прапару Грынчыку (з южнай сусудки) видэамагнитафон (ня китай, а малазия ,германия и т.д.. чэраз паугода, бо у старога(-5месяцев) х... плохая в.галоука), мы прыкинули, за пару гадоу прапар падымау на поу- машыны (рота 100 чалавек).
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31