Даслаць навіну
Знайсці
17.02.2018 / 10:55 45

У Расіі апублікаваны спіс байцоў, што «прапалі без вестак» пад Хішамам у Сірыі. У ім 74 прозвішчы

Расійскія блогеры і незалежныя журналісты працягваюць па драбках збіраць інфармацыю пра бой пад Хішамам у Сірыі. Там 7 лютага расійскія сілы і сірыйцы спрабавалі заняць нафтавае радовішча, якое кантралявалі курдскія апалчэнцы, саюзнікі ЗША. У выніку амерыканцы нанеслі авіяўдар па наступоўцах.

Дакладных звестак пра лічбу ахвяр пакуль няма, але са сведчанняў тых, хто выжыў, паўстае карціна поўнага разгрому.

Вядомы расійскі блогер El-Murid, які піша пра войска і сірыйскую кампанію, 17 лютага апублікаваў спіс байцоў, прыпісаных да «прыватнай вайсковай кампаніі Вагнера», якія зніклі без вестак пасля таго бою — гэта значыць, іх няма ні сярод параненых, ні сярод эвакуіраваных забітых. У спісе 74 прозвішчы.

Павялічыць выяву

«Прыватная вайсковая кампанія Вагнера» — гэта фармальна прыватная структура, якая выконвае задачы, якія Масква з меркаванняў рэпутацыі не хоча давяраць афіцыйнай арміі. У прыватнасці, яе байцы ўдзельнічалі ў захопе Крыма і Данбаса і аперацыях у Сірыі.

Паводле падлікаў незалежных журналістаў, агулам у баях у Сірыі загінула ўжо больш за 600 расійскіх грамадзян.

Афіцыйна Масква паведамляла пра гібель некалькіх дзясяткаў сваіх вайскоўцаў.

Канал WarGonzo апублікаваў некалькі аўдыязапісаў, на якіх расійскія вайскоўцы распавядаюць аб тым, што здарылася. У аўдыя шмат лаянкі, даслоўна расшыфраваць іх немагчыма, але ў цэлым гаворка ідзе пра тое, што пры нейкім сутыкненні ў Сірыі загінулі больш за 200 чалавек.

«Былі піндосы [амерыканцы] … Спачатку артой [артылерыяй] накрылі, потым паднялі чатыры вяртушкі [верталёты] і ў карусель запусцілі з буйнакаліберных кулямётаў… У нашых, акрамя аўтаматаў, нічога не было. Наогул зладзілі там пекла. Піндосы пэўна і дакладна ведалі, што гэта мы ідзём, рускія, вось нашы ішлі завод адціскаць, а яны на гэтым заводзе сядзелі… Вельмі шмат хто знік без вестак».

Прэс-сакратар Уладзіміра Пуціна Дзмітрый Пяскоў у адказ на просьбу журналістаў пракаментаваць інфармацыю пра гібель у Сірыі 600 расійскіх байцоў, заявіў, што ў Крамлі не маюць звестак пра расіян, якія могуць знаходзіцца ў Сірыі, акрамя ваенных узброеных сіл РФ, і парэкамендаваў звяртацца па гэтую інфармацыяю ў Міністэрства абароны.

«Мы не маем канкрэтнай дэталёвай інфармацыяй, якая б дазваляла рабіць нейкія высновы. Нельга выключаць, што на тэрыторыі Сірыі могуць знаходзіцца грамадзяне Расійскай Федэрацыі. Яны не адносяцца да Узброеных сіл. Гэта ўсё, што можна канстатаваць. Але ў любым выпадку гэта нашы грамадзяне, яны застаюцца грамадзянамі Расійскай Федэрацыі», — сказаў Пяскоў журналістам у сераду 14 лютага.

Сяргей Гезгала

1
алекс / адказаць
18.02.2018 / 11:14
То что ихтамнетов в Сирии американцы разнесли в пух и прах - это факт!
Что до этого списка то очень даже может быть что фейк, который сами русские гру-шники подкинули, чтобы потом этот фейк разнести в пух и прах и тем самым заставить сомневающихся и дальше сомневаться относительно произошедшего: "Был разгром или это тоже американский фейк?"
2
Олег / адказаць
18.02.2018 / 13:07
Работы нет, вот и воюют пацаны и русские и украинские и белорусские....
0
Зымяль / адказаць
19.02.2018 / 18:46
  Фэйкавасьць спісу відаць няўзброеным вокам. Некаму вельмі хочацца нагарадзіць кучу ілжывых зьвесткаў каб сярод іх схаваць праўду. А праўду пра ганебную гібель вагнераўцаў ўжо не схаваеш. ПЫ СЫ. І хай мяне і надалей мінусуюць розныя боты, разумныя людзі самі ўсё бачаць)))))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30