Стаў вядомы далейшы лёс былога міністра спорту Шамко
Вызвалены напярэдадні ад пасады міністр спорту і турызму Аляксандр Шамко вернецца ў сваё старое ведамства. Пра гэта гаворыцца ва ўказе прэзідэнта Беларусі, апублікаваным на Нацыянальным прававым інтэрнэт-партале.
Указам № 66 ад 15 лютага Аляксандр Шамко вызвалены ад пасады міністра спорту і турызму Беларусі за «непрыняцце дзейсных мер па барацьбе з карупцыяй і эканамічнымі правапарушэннямі ў падведамасных арганізацыях».
«Адкамандзіраваць генерал-маёра ўнутранай службы Аляксандра Шамко з Міністэрства спорту і турызму ў Міністэрства па надзвычайных сітуацыях», — гаворыцца ў дакуменце.
Нагадаем, 15 лютага Аляксандр Лукашэнка зняў з пасадаў міністра лясной гаспадаркі Міхаіла Амельяновіча і міністра спорту і турызму Аляксандра Шамко.
Да таго як ўзначаліць спартыўную галіну ў 2012 годзе, Шамко быў намеснікам міністра па надзвычайных сітуацыях.
