Даслаць навіну
Знайсці
14.02.2018 / 16:03 30

Строгі адбор, новая зброя і гатоўнасць супрацьстаяць гібрыдным выклікам. Раўкоў расказаў, як будзе рэфармаваць войска

У рамках прэс-канферэнцыі да «стагадовага юбілею Узброеных сіл Беларусі» міністр абароны Андрэй Раўкоў расказаў пра тое, куды рухаецца беларускае войска.

Павялічыць выяву

Раўкоў назваў асноўнай задачай — стварэнне кампактнага і мабільнага войска да 2020 года. У прыватнасці, ухіл будзе рабіцца на здольнасць супрацьдзеяння гібрыдным выклікам, на развіццё інфармацыйнага супрацьстаяння, а таксама на ўмацаванні сіл спецыяльных аперацый і ўдасканаленні сістэмы тэрытарыяльнай абароны.

«Праводзіцца аптымізацыя і пераўзбраенне. З улікам мэтавага пераўзбраення плануецца давесці долю сучасных узбраенняў у войску да 50%», — сказаў Раўкоў.

Міністр паведаміў, што плануецца закупіць і размясціць пад Астраўцом батарэю ТОР М-2. Разам з тым ён звярнуў увагу, што Расія пакуль не можа паставіць Беларусі самалёты Су-30, бо не можа іх вырабіць — некаторыя дэталі трапілі пад заходняе эмбарга.

Раўкоў назваў важным павелічэнне колькасці баявога кампаненту і здольнасці часцей да аўтаномных дзеянняў.

Міністр паведаміў пра пастрожванне адбору прызыўнікоў на ўзроўні ваенкаматаў і камплектацыю часцей сістэмамі відэаназірання. «Але і камеры — гэта не панацэя, самае важнае — выхаванне», — сказаў ён.

А вось смартфоны ў войску не дазволяць, бо іх тэхнічныя магчымасці ствараюць пагрозу бяспецы.

Разам з гэтым Раўкоў расказаў, што была праведзена шырокая праверка ўсіх ваенных часцей, больш за 100 чалавек у 2017 годзе звольнены з войска праз псіхічныя праблемы.

Закрануў міністр і тэму Данбаса:

«У штаце 103-й брыгады мы маем міратворчую роту. Склад — 100 чалавек, 50 з якіх у сталым складзе, 50 — у пераменным. Яны вывучаюць англійскую мову, праходзяць навучанне ў розных дзяржавах і могуць выконваць задачы ў любым рэгіёне свету. Але тут трэба некалькі абавязковых умоваў, каб паехаць у Данбас: рашэнне Рады бяспекі ААН, згода краіны, куды ўводзяць войскі, а з нашага боку — рашэнне кіраўніка дзяржавы. І кожны чалавек, які едзе, павінен згоду сваю выказаць», — сказаў ён.

Раўкоў пракаментаваў і словы Аляксандра Лукашэнкі пра тое, што ў войска не варта забіраць хлопцаў, калі яны — адзіныя дзеці ў сем'ях:

«Гэта было не ўказанне, а думка, выказаная ўслых. У нас кожны пяты хлопец — адзін у сям'і. Трэба канструктыўна падыходзіць да гэтага пытання», — сказаў ён.

Калі генералы ў нас загавораць па-беларуску?

«А гэта трэба? Прыходзяць да мяне маладыя людзі і спрабуюць размаўляць па-беларуску. Але ж заўважны акцэнт, — наракае Раўкоў. — Калі гаварыць, то літаратурна, а не толькі каб паказаць, што я па-беларуску размаўляю».

0
раз'Юшан / адказаць
14.02.2018 / 21:24
321, пачытай вышэй у Войшвіда агучана ідэальна. Бязглуздзіца Раўкова не ў якіе вароты не лезе. Галоўнае, трэба грошы - будуць кампаненты. Пустое бла-бла, а рыхтуюцца процістаяць у нейкіх спецаперацыях. Складаецца ўражанне што свайму народу. Падзяляй і ўладар. А пра адбор. Падбіраюць жа такія як ен і па сабе, так што..... Толку не будзе паабяцаў міністр.
1
Андрэй Ляховіч / адказаць
14.02.2018 / 21:57
Колькасьць и якасьць зброі, колькасьць і нават досьвед вайскоўцаў - другасныя чыньнікі. Баяздольным войска зьяўляецца у першую чаргу тады, калі  гатова абараняць краіну ад адзінага верагоднага агрэсара - Расеі. А для гэтага трэба шанаваць мову і ведаць сваю гісторыю, якая - стагоддзі змаганьня з усходняй Ардой.

У тым што сказаў Раўкоў я ў чарговы раз бачу, што ў Беларусі няма беларускай арміі. Што тычыцца афіцэрскага складу - савецкія і прарасейскія, беларуская мова ім не патрэбна.
0
RSP / адказаць
14.02.2018 / 22:34
321, а так, што ў выпадку канфлікту з верагодным праціўнікам (паводле Раўкова - НАТА), я буду супраць Раўкова.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30