Беларусы маюць адзін з найгоршых пашпартоў у Еўропе — The Henley Passport Index 2018

Міжнародная кансалтынгавая кампанія Henley & Partners, якая спецыялізуецца на пытаннях грамадзянства і відаў на жыхарства, кожны год у сваім індэксе фіксуе лепшыя пашпарты па колькасці краін, куды з імі можна ездзіць без віз.

У Індэксе пашпартоў за 2018 год адзначана, што грамадзяне Беларусі са сваім пашпартам могуць паехаць у 71 краіну без візы. Гэта адзін з найгоршых паказчыкаў у Еўропе. Толькі грамадзяне не ўсімі прызнанага Косава і ваюючых Арменіі і Азербайджана могуць ехаць без візы ў меншую колькасць краін — 38, 59 і 63 краіны адпаведна.

Украінцы маюць доступ да 114-ці бязвізавых краін, расіяне — 113-ці, палякі — 163-ох, латышы і літоўцы — 166-ці.

Самы «прэстыжны» пашпарт у немцаў — яны могуць ехаць без візы ў 177 краін свету.

Максім Маханькоў

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0