Даслаць навіну
Знайсці
09.02.2018 / 13:44 35

Прэзідэнт Азербайджана назваў сваёй мэтай «вяртанне Ерэвана»

Павялічыць выяву

Ільхам Аліеў (фота: Сяргей Грыц / AP)

Выступаючы на з'ездзе кіруючай партыі «Ены Азербайджан», дзе Аліева вылучылі кандыдатам у прэзідэнты, кіраўнік дзяржавы заявіў, што Ерэван з'яўляецца «гістарычнай зямлёй» азербайджанцаў, а таму палітычнай і стратэгічнай мэтай з'яўляецца вяртанне ў гэты горад, паведамляе агенцтва «Інтэрфакс».

«Хачу адзначыць, што мы не павінны забываць аб сваіх гістарычных землях. У далейшым гэта павінна быць адным з кірункаў нашай дзейнасці. Нашы гістарычныя землі — Ірэванскае ханства, Зенгезур (Сюнікская вобласць Арменіі. — РБК), Гейчэ (возера Севан на тэрыторыі Арменіі. — РБК), пра гэта павінна ведаць як наша маладое пакаленне, так і ўвесь свет», — адзначыў Аліеў.

Прэзідэнт Азербайджана ўжо не ў першы раз заяўляе пра тое, што мае на мэце «вяртанне Ерэвана». У ліпені мінулага года ён сказаў, што Нагорны Карабах і Арменія з'яўляюцца «гістарычнымі азербайджанскімі землямі». «Не толькі Нагорны Карабах, але і цяперашняя тэрыторыя Арменіі з'яўляюцца гістарычнымі азербайджанскімі землямі. Нельга сёння параўноўваць слабую Арменію з моцным Азербайджанам», — сказаў Аліеў.

У снежні 2015 года Аліеў, выступаючы ў горадзе Тэртэр, заявіў, што «азербайджанцы маюць намер вярнуцца ў Ерэван мірным шляхам». Патлумачыў ён гэта тым, што жыхары Арменіі ў сілу няпростых эканамічных умоваў пакідаюць краіну, а насельніцтва Азербайджана павялічваецца.

Віцэ-спікер парламента Арменіі Эдуард Шармазанаў у каментары выданню News.am назваў заяву Аліева «непісьменнай, дурной, бессэнсоўнай і смешнай». Паводле яго слоў, «непрымальна, калі ў XXI стагоддзі прэзідэнт адной краіны выказвае тэрытарыяльныя прэтэнзіі да суседняй краіны». Ён параіў сустаршыням Мінскай групы АБСЕ звярнуць увагу на словы Аліева.

«Аліеў часта пра гэта кажа — пра той ці іншы армянскі горад. Думаю, што такія заявы звязаны з неабходнасцю павялічыць народную падтрымку, бо ў краіне хутка выбары і Аліеву трэба яшчэ больш галасоў», — заявіў РБК дэпутат армянскага парламента Шырак Тарасян.

rbc.ru

0
параллели / адказаць
10.02.2018 / 13:44
такія заявы звязаны з неабходнасцю павялічыць народную падтрымку, бо ў краіне хутка выбары і Аліеву трэба яшчэ больш галасоў», —

Хиба там ёсць выбары... Таксама як и у Беларуси "малююць" кольки хочуць..Таму гэта не аргумент..
3
Inhvar / адказаць
10.02.2018 / 17:56
Армяне заўседы будуць iмкнуцца да сваёй гары Арарат, так i беларусы будуць iмкнуцца да нашай Вiльнi..
0
lazy-bones / адказаць
11.02.2018 / 17:01
žyćcio pavodle normaŭ 15-16 stst. my prynamsi oryjentujemsia na 70ja roki XXst
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31