Знайсці
08.02.2018 / 16:013РусŁacБел

У Мінску запусцілі бясплатны сэрвіс дастаўкі валянцінак — з рамантычнымі сняданкамі ў падарунак

Паштовая служба Актывія-mail прапануе аформіць ваш тэкст любоўнага прызнання ў валянцінку, а ў якасці прыемнага бонуса дадаць да яе французскі сняданак і рамантычную кветку. Прапанова дзейнічае бясплатна, але абмежавана 50 сэтамі — менавіта столькі лёгкіх сняданкаў даставяць мінчанкам раніцай у Дзень святога Валянціна.

14 лютага, у дзень, калі ўсе закаханыя імкнуцца здзівіць адзін аднаго, «Актывія» прапануе хлопцам не толькі дарыць валянцінкі, але песціць сваіх каханых сняданкамі ў ложак. Тым больш, для гэтага не прыйдзецца пераводзіць будзільнік на паўгадзіны раней, каб дабегчы да кухні хутчэй за каханую. Лёгкі сняданак у французскім стылі даставяць у зручны час з 7:00 да 12:00 раніцы. У сэце з валянцінкай будзе толькі тое, чаму дзяўчына не зможа запярэчыць «мне нельга» або «шкодна», — свежы круасан, ёгурт і, для большай урачыстасці, вясновая кветка. Лёгкі сняданак прапануюць з'есці проста ў піжаме, папярэдне падзяліўшыся яго кадрамі ў інстаграме з хэштэгам #завтракатьлегко — для гэтага арганізатары абяцаюць зрабіць сэт максімальна «фотагенічным».

Замовіць сняданак для каханай можна, запоўніўшы валянцінку праз Актывія-mail. У рамантычным пасланні можна ў 1001 раз нагадаць жонцы або дзяўчыне пра тое, чаму вы разам, ці выйсці з ценю салодкіх пакут і расказаць пра свае пачуцці суседцы па парце ці калезе з суседняга аддзела.

Адправіць «голуба» са сняданкам можна і без подпісу. Для дзяўчыны гэта стане прыемнай нечаканасцю, а для хлопца шанцам нарэшце намякнуць пра свае пачуцці і ўжо па рэакцыі на падарунак вырашаць, ці разлічваць на штосьці большае.

— Мы хочам, каб гэтай раніцай як мага больш беларусак адчулі сябе любімымі і шчаслівымі. Выпадковым чынам мы выберам 50 валянцінак, якія і даставяць раніцай разам са сняданкам у ложку, — распавядае Аляксандра Харольская, арганізатар праекта і прадстаўнік брэнда «Актывія». — Валянцінкі мы абярэм рандомныя, таму заклікаем не саромецца і пісаць пра свае пачуцці як ёсць: збянтэжана або гулліва. Хлопцам, чые заяўкі не трапяць у 50 выпадковых, мы раім не хвалявацца, а самастойна прагугліць рэцэпт лёгкага сняданку і забегчы ў краму па кветкі для каханай.

Пакінуць заяўку на сняданак у ложку можна да 13 лютага. А 15:00 рэгістрацыя спыніцца, а ўжо ў 17:00 на пошту прыйдзе інфармацыя пра тое, ці варта вашай каханай чакаць раніцай «любоўнага голуба» або вам самому прыйдзецца стаць гэтым пасланнікам — устаць крыху раней, каб прыгатаваць сняданак.

— У тым шалёным рытме, у якім жывуць беларусы, так не хапае лішніх хвілін на рамантыку. А для гэтага дастаткова ператварыць нейкія рэгулярныя рэчы, напрыклад сняданак, у нешта асаблівае, — кажа Аляксандра Харольская, арганізатар праекта і прадстаўнік брэнда «Актывія». — Дзяўчатам мы прапануем зрабіць адказнае прызнанне і падзякаваць свайму кавалеру за падарунак, напрыклад, прыгатаваўшы наступны сняданак у ложак ужо для яго.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера