Знайсці
07.02.2018 / 23:2336РусŁacБел

«Гэта промаакцыя і трук»: першая рэакцыя Раскосмасу на запуск Falcon Heavy

Выканаўчы дырэктар па камунікацыях Раскосмасу Ігар Буранкоў у эфіры радыёстанцыі «Эха Масквы» назваў запуск ракеты Falcon Heavy прыватнай кампаніі SpaceX Ілана Маска паспяховай промаакцыяй і «вельмі добрым трукам».

Буранкоў прызнаў, што старт Falcon Heavy, як і любая іншая паспяховая місія, дапамагае пашырыць «гарызонты касманаўтыкі». Аднак ён заявіў, што Маск запусціў ракету ў разліку на прыцягненне інвестыцый.

На думку прадстаўніка Раскосмасу, Маск адправіў у космас асабісты спорткар Tesla вішнёвага колеру дзеля рэкламы. Буранкоў упэўнены, што заснавальнік кампаніі-вытворцы аўтамабіляў зрабіў гэта напярэдадні сходу акцыянераў.

Журналісты спыталі Буранкова, ці не крыўдзіць яго, што запускі Раскосмасу прыцягваюць нашмат менш увагі, чым SpaceX. Ён патлумачыў, што ў расійскага касмічнага агенцтва таксама ёсць дасягненні, якімі можна ганарыцца.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера