Памятныя дошкі ў гонар Быкава і Барадуліна вырабяць ў Мінску
Восем памятных шыльд у гонар знакамітых беларусаў вырабяць 8 лютага ў Мінску падчас міжнароднай выставы «Мемарыял. Камнеапрацоўка».
На плітах з каменя будуць імёны кампазітара Станіслава Манюшкі, пісьменьніка Васіля Быкава, паэтаў Язэпа Пушчы і Рыгора Барадуліна, шляхціца, дэпутата Сойма Рэчы Паспалітай ад Наваградскага ваяводства ВКЛ Тадэвуша Рэйтана, а таксама Рудольфа і Сафіі Пішчалаў, паведамляе БелТА.
За працэсам стварэння вырабаў змогуць паназіраць ўсе ахвотныя, гатовыя пліты затым перададуць валанцёрам і прадстаўнікам грамадскіх ініцыятыў, якія ўсталююць іх у розных кутках краіны.
Праект падтрымалі ГА «Беларускі камітэт ІКАМОС», «Арт-суполка імя Тадэвуша Рэйтана», «Таварыства беларускай мовы імя Францішка Скарыны», а таксама гісторыкі, культуролагі і экскурсаводы.
