Кіраўнік МЗС Украіны раскрытыкаваў польскі «закон пра халакост»

Міністр замежных спраў Украіны Павел Клімкін заявіў, што ніякі закон не можа ўстанаўліваць гістарычную праўду, бо ў яе няма нацыянальных межаў. Пра гэта ён напісаў на сваёй старонцы ў твітары, каментуючы так званы «закон пра халакост», прыняты ў Польшчы.

«Гістарычная праўда не мае нацыянальных межаў і не ўстанаўліваецца законамі. Яна ці ёсць, ці яе трэба шукаць. І ў тым, і ў іншым выпадку заканадаўчыя акты не дапамогуць Польшчы», — падкрэсліў Клімкін.

Раней кіраўнік МЗС Украіны заяўляў, што ўвядзенне тэрміна «злачынства украінскіх нацыяналістаў», які згадваецца ў законе, «ўзмацняе аднабаковыя стэрэатыпы і правакуе рэакцыю ў адказ».

0

0

0

0

0

0