Знайсці
05.02.2018 / 18:0919РусŁacБел

У Мінск прывезлі з Украіны помнік Тадэвушу Касцюшку — на мяжы не ўзялі ніякіх грашовых збораў

Цягам месяца скульптуру мяркуюць усталяваць на тэрыторыі музея-сядзібы Тадэвуша Касцюшкі ў Мерачоўшчыне.

«Дзякуючы спрыянню Міністэрства культуры і Мытнага камітэта помнік вызвалілі ад усіх плацяжоў і збораў пры перавозцы праз мяжу. Гэта адбылося, бо ў законе ёсць пункт, што культурныя каштоўнасці ад іх вызваляюцца. Пасля рашэння аб усталяванні помніка Міністэрства культуры за лічаныя дні выдала нам дакумент пра тое, што помнік прызнаецца культурнай каштоўнасцю (не блытаць з гісторыка-культурнай), улічваючы яго мастацкія вартасці і значнасць для краіны. За што ім вялікі дзякуй, бо мытныя плацяжы маглі скласці амаль поўны кошт помніка», — напісаў Глеб Лабадзенка ў фэйсбуку. Менавіта ён распачаў збор сродкаў на помнік і ўзяў на сябе вырашэнне ўсіх далейшых арганізацыйных пытанняў.

Такім чынам, сёння ўжо 90% справы зроблена.

Помнік везлі ў Беларусь на мікрааўтобусе.

«Помнік гатовы (ахвярнаю працаю скульптара Геніка Лойкі, які ездзіў ажно ў Харкаў, каб там давесці свой твор да ладу перад адліўкай) і дастаўлены (ахвярным учынкам Алеся Сапегі, які дзеля гэтага за тры дні наматаў больш за 2000 кіламетраў). Пастамент таксама гатовы (яшчэ раз дзякую фірме «Гранітны свет» з Заслаўя, якія робяць пастамент менш, чым за палову кошту). Шыльда адлітая і мацуецца да пастамента. Засталося давесці да канца справу з падмуркам (чакалі асобнага дазволу на гэтыя працы, ён ужо атрыманы), і тады ўжо будзем прызначаць дату ўрачыстага адкрыцця. Самы аптымістычны варыянт — выходныя 10-11 лютага. Самы доўгі — першыя выходныя сакавіка. Ну і віншую нас усіх, што мы з вамі супольна можам рабіць такія справы!», — звярнуўся Глеб.

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера