ДАІ зладзіла пагоню са стралянінай: даганялі п’янага расіяніна на Гомельшчыне

30 студзеня беларускія даішнікі паспрабавалі спыніць «Форд» з расейскімі нумарамі, які небяспечна паводзіў сябе на трасе. Але кіроўца не спыніўся, а паспрабаваў уцячы ў Расію.

На трасе Кобрын — Гомель — мяжа Расіі пачалася пагоня. Патрабаванні даішнікаў кіроўца ігнараваў. Тыя пачалі страляць: спачатку ў паветра, пасля па колах, але кіроўца не спыняўся.

Беларусы паведамілі пра парушальніка расійскім калегам. У выніку на тэрыторыі Злынкаўскага раёна Бранскай вобласці мужчына не справіўся з кіраваннем на абледзянелай дарозе і з'ехаў у кювет, збіўшы пры гэтым адбойнік. Расійскія паліцэйскія затрымалі дваіх жыхароў горада Злынка ва ўзросце 27 і 26 гадоў. Кіроўца быў п’яны і не меў дакументаў, паведамляе паліцыя Бранскай вобласці.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0