Пасольства Францыі перасцерагае ад несумленных візавых пасярэднікаў
Як зазначылі ў французскім дыпламатычным прадстаўніцтве, мінская фірма EU TRENDZ пазіцыянуе сябе на інтэрнэт-сайце «Візавым цэнтрам Францыі».
Аднак, сцвярджаюць у пасольстве, гэтая арганізацыя не мае нічога агульнага з аддзелам візаў пасольства Францыі — адзіным законным органам у Беларусі, які разглядае дакументы на атрыманне візы і прымае рашэнне пра іх выдачу.
Таму пасольства Францыі нагадвае ўсім кандыдатам на атрымаіньне візы, што толькі яны асабіста павінны рыхтаваць неабходны пакет дакументаў.
У дыпмісіі папярэджваюць: сёньня шматлікія фірмы прадстаўляюцца візавымі цэнтрамі для аказання паслугаў па падрыхтоўцы дакументаў на афармленне візы. Аднак карыстаньне іх паслугамі не толькі не аблегчыць працэдуру, а наадварот, падача сфальсіфікаваных дакумэнтаў шматкроць павялічвае рызыку адмовы ў візе.
