Даслаць навіну
Знайсці
01.02.2018 / 17:53 28

«Гэта быў мой першы апраўдальны прысуд па забойстве». Якую справу Лукашэнка раскрыў за суткі

Забойства жыхаркі Магілёва адбылося яшчэ ў 2009 годзе, у 2010-м Магілёўскі абласны суд вынес па гэтай справе апраўдальны прысуд. Але пасля таго, як умяшаўся кіраўнік дзяржавы, справу аднавілі, бо раскрыліся новыя абставіны. 31 студзеня яе накіравалі ў Вярхоўны суд.

Сёння Аляксандр Лукашэнка на сустрэчы са старшынёй Дзяржаўнага камітэта судовых экспертыз Андрэем Шведам распавёў, як дапамог раскрыць злачынства, якое адбылося ў Магілёўскай вобласці. Па дапамогу да прэзідэнта звярнуўся бацька забітай.

— Прыйшоў і кажа: «Аляксандр Рыгоравіч, ну не можа быць, каб было так, як суд прыняў рашэнне, і так, як следства правялі». (…) Я сеў і сам за суткі вывучыў яе. І даў каманду пракурору і старшыні КДБ, чаго б ні каштавала, расследаваць гэтую крымінальную справу. Нягодніка знайшлі ў Расіі, прывезлі ў Мінск, распачалі зноў крымінальную справу, пачалі расследаваць. Прытым я кантраляваў увесь гэты працэс. І аказалася, што ён — забойца. А яго фактычна апраўдалі.

Як высветліў TUT.BY, гаворка ідзе пра забойства жанчыны, тое, што адбылося ў 2009 годзе. Тады абвінавачванне было прад'яўлена беларусу, які рэгулярна ездзіў на заробкі ў Расію. Праз год — у лютым 2010 года — Магілёўскі абласны суд вынес апраўдальны прысуд. Суддзя, якая разглядала гэтую справу, на пенсіі ўжо некалькі гадоў. Пра тое, што апраўданаму зноў выстаўленае абвінавачванне, яна даведалася сёння з інтэрнэту. У размове з журналістам TUT.BY жанчына адмовілася абмяркоўваць гісторыю 2009 года.

— Гэта было 8 гадоў таму, праваахоўныя органы разбяруцца, хто мае рацыю, хто вінаваты. Мой прысуд быў разгледжаны ва ўсіх інстанцыях, пакінуты ў сіле, рэспубліканская пракуратура падтрымала, — кажа былая суддзя. — Я памятаю яе… Сапраўды, апраўдальныя прысуды выносяцца нячаста, для мяне гэта быў першы апраўдальны прысуд па гэтым артыкуле [заўв. TUT.BY. - арт. 139 КК «Забойства»]. Я працавала якасна, таму прысуды заставаліся ў сіле. У маёй 30-гадовай практыцы суддзёй было ўсякае: па пяць разоў маглі адмяняць і зноў да вытворчасці прымаць. Таму загадзя рабіць высновы, даваць каментары — гэта няправільна. Тым больш што я не ведаю, з якой прычыны адмянілі прысуд, у нас падставаў для адмены шмат.

— Кажуць, крымінальную справу распачалі ў сувязі з новымі абставінамі.

— Тады гэта зусім іншая справа. Калі адмяняюць за нядбалае стаўленне, гэта, вядома, ПП для суддзі. А толькi новыя акалічнасці могуць і праз 20 гадоў з'явіцца, і праз 30. Як любы суддзя, я за тое, каб перамагла ісціна. Калі гэтыя акалічнасці дапамогуць знайсці злачынцу і асудзіць — гэта будзе правільна.

Восем гадоў таму сваякі пацярпелай былі не згодныя з апраўдальным прысудам і абскардзілі яго ў Вярхоўным судзе, які пакінуў прысуд у сіле. Пасля таго, як злачынствам зацікавіўся прэзідэнт, у 2017 годзе год былі распачатыя крымінальная справа па ч.2 п. 6 арт.139 КК «Забойства з асаблівай жорсткасцю».

На днях матэрыялы справы былі накіраваныя ў Вярхоўны суд. Хутка абвінавачваны зноў паўстане перад судом. Санкцыя артыкула прадугледжвае пакаранне: ад 8 да 25 гадоў пазбаўлення волі, ці пажыццёвае пакаранне, ці смяротнае пакаранне.

Кацярына Барысевіч, TUT.BY

0
Хром / адказаць
02.02.2018 / 11:20
Прэзідэнт не мусіць умешвацца у справу судоу і тут справа не у канкрэтна гэтым выпадку, а працы усёй сыстэмы наогул.
0
Виталий / адказаць
02.02.2018 / 12:59
А дело по исчезнувшим Захаренко, Завадскому, и Гончару Лукашенко не хочет раскрыть за сутки??? Почему-то у меня большая уверенность в том, что Лукашенко это может. Только не хочет. 
0
аргер сергерпур / адказаць
04.02.2018 / 13:01
так пусть на общественных началах работает в следственном комитете  читает и пишет пишет пишет времени свободного море свободнее дышать станет  и может додумается доинтеллектуальной юстиции
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30