Лечкамісія ў Ждановічах пачне аказваць платныя паслугі з 12 лютага

Рэспубліканскі клінічны медыцынскі цэнтр Упраўлення справамі прэзідэнта пачаў працаваць па новым адрасе - у пасёлку Ждановічы Мінскага раёна. Аб гэтым паведамляецца на сайце цэнтра.

Таксама адзначаецца, што дабрацца туды з Мінска можна на гарадскіх аўтобусах № 189Э і № 190Э, даехаўшы да прыпынку «Рэспубліканскі клінічны медыцынскі цэнтр».

Як растлумачылі ў цэнтры, платныя паслугі пачнуць аказваць прыкладна з сярэдзіны месяца — з 12 лютага. У даведачнай папрасілі сачыць за абнаўленнямі на сайце.

Нагадаем, раней галоўны доктар Рэспубліканскага клінічнага медыцынскага цэнтра Ірына Абельская адзначала, што цэнтр зможа абслугоўваць да 10 тысяч чалавек, піша Tut.by.

0

0

0

0

0

0