У Расіі зафіксавалі зніжэнне рэйтынгу Пуціна на 5%
Getty Images
Электаральны рэйтынг прэзідэнта Расіі Уладзіміра Пуціна ўпершыню з пачатку выбарчай кампаніі апусціўся ніжэй за 70%, вынікае з даследавання Усерасійскага цэнтра вывучэння грамадскай думкі (ВЦІОМ). Эксперты тлумачаць гэта з'яўленнем пачуцця альтэрнатывы ў выбаршчыкаў, паведамляе Бі-бі-сі.
Калі ў сярэдзіне снежня за Пуціна былі гатовыя прагаласаваць 74,8% расіянаў, то цяпер іх колькасць апусцілася да 69,9%. Апытанне праводзілася 26-28 студзеня. Яшчэ 11-15 студзеня падтрымаць прэзідэнта на выбарах збіраліся 73,2% рэспандэнтаў.
Гэта самы нізкі рэйтынг Пуціна з пачатку снежня, калі ён заявіў пра гатоўнасць абірацца на чацвёрты прэзідэнцкі тэрмін. Рэкорд за кампанію быў дасягнуты ім у сярэдзіне снежня: 76,8% апытаных 18-20 снежня былі гатовыя аддаць свой голас за дзеючага прэзідэнта.
У штабе Пуціна не змаглі патлумачыць прычыны падзення рэйтынгу кандыдата.
