Адбылося ўручэнне «Грэмі»: трыумф Бруна Марса, Кендрык Ламар, а таксама песня пра Пуціна ВІДЭА
У Нью-Ёрк пасля 15-гадовага перапынку вярнулася галоўная музычная прэмія «Грэмі».
Reuters.com
Бруна Марс узнагароджаны прэміяй у намінацыі «Песня года». Ён атрымаў прэмію за кампазіцыю That's what I like. Статуэтку пераможцу ўручаў Стынг. Марс таксама атрымаў прэмію за «Найлепшы запіс года» — песня 24k Magic і галоўную намінацыю «Найлепшы альбом года» — 24k Magic.
Congrats Song Of The Year winner - @brunomars "That's What I Like" #GRAMMYspic.twitter.com/koW5KrBdh5
Эд Шыран атрымаў «Грэмі» за найлепшае сольнае поп-выкананне за песню Shape Of You, а таксама премію за найлепшы поп-альбом ÷ (Divide).
Прэмію за найлепшы кантры-альбом атрымаў Крыс Стэплтан, а за найлепшы рэп-альбом — Кендрык Ламар, таксама Ламар узяў «Грэмі» за рэп-выкананне і кліп.
Намінацыю «Найлепшы новы артыст» выйграла Алісія Кара.
А вось «Найлепшую аранжыроўку» атрымаў кампазітар Рэндзі Ньюман — за песню «Пуцін».
Там ёсць такія радкі:
«Ён можа весці гіганцкі трактар / Праз Транссібірскую раўніну / Ён можа кіраваць ядзерным рэактарам / Сваім левым паўшар'ем / І калі ён здымае кашулю / Жанчыны страчваюць розум / Калі ён здымае кашулю / Я хачу быць жанчынай».
