Знайсці
26.01.2018 / 22:2652РусŁacБел

За год актыўнасць каментатараў на «Нашай Ніве» вырасла на 20%. Прыняты паўтарамільённы каментар!

На сайце NN.by 26 студзеня прыняты паўтарамільённы каментар.

Гэта была рэпліка чытача Верны. Ён, абмяркоўваючы кулінарнае ток-шоу на «Белсаце», у 21:21 звярнуўся да іншага каментатара: «Satan, ты хоць і чорт, атвечу. Дык хай ўтыкаюць у беларускі цілівізар. А не ў рускі».

Мільённы каментар быў прыняты 9 снежня 2015 года.

Адметна, што актыўнасць чытачоў узрастае з кожным годам.

Параўнайце: у студзені 2017 года ў сярэднім прымалася па 830 каментароў на дзень.

А ў студзені 2018 года чытачы «Нашай Нівы» штодня пісалі па 1005 каментароў.

Адзначым, што з каментарамі працуе толькі адзін мадэратар, вельмі адказны і сумленны чалавек. Калі ласка, стаўцеся з разуменнем, што не заўсёды атрымліваецца аператыўна прымаць і публікаваць вашыя меркаванні.

Мы ўдзячныя, што вы абіраеце для выказвання свайго меркаванне менавіта нашу пляцоўку. Дзякуй вам!

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера