Як выглядае адна з самых дарагіх у Мінску кватэр — голыя сцены пентхаўса за мільён даляраў ФОТЫ
На партале Realt.by з'явілася інфармацыя аб кошце некаторых кватэр у доме на вуліцы Кісялёва ў Мінску. Дазвол на будаўніцтва ТДА «Вытворча-інвестыцыйная група» атрымала яшчэ ў 2005 годзе, але здадзены ў эксплуатацыю дом быў толькі ў 2016-м.
Як паведамляе прадавец, сёння цэны на квадратны метр у доме складаюць ад $1700 да $2000. А за пентхаўс плошчай 600 м2 прыйдзецца выкласці як мінімум мільён даляраў.
Яшчэ столькі ж давядзецца выдаткаваць на аздабленне вялізнага жылога памяшкання, лічыць агенцтва нерухомасці, што займаецца продажам кватэр у гэтым доме.
Інтэр'ер пад'езда
Прапануем вам паглядзець, як выглядае той самы пентхаўс за мільён даляраў.
У кватэры свабодная планіроўка. Але ўжо цяпер тут ёсць тры спальні (кожная з санвузлом), кабінет, зала плошчай 200 м2, гардэробныя. З кожнага пакоя ёсць выхад на велізарную тэрасу плошчай 40 м2.
Любавацца можна вось такімі краявідамі:
* * *
Пентхаўс у доме на Кісялёва — трэцяя па цане кватэра ў Мінску.
Самае дарагое жыллё знаходзіцца на вуліцы Масквіна, за яго просяць $1,35 мільёна. Плошча кватэры — 186 м2
Ёсць яшчэ кватэра ў «доме Чыжа» на Старажоўскай вуліцы — $1,27 мільёна за 211 квадратных метраў.