Даслаць навіну
Знайсці
19.01.2018 / 13:29 40

Журналісты сцвярджаюць, што Парашэнка адпачыў на Мальдывах за $500 тысяч

Прэзідэнт Украіны Пятро Парашэнка з 1 па 8 студзеня правёў калядны адпачынак на Мальдывах. Парашэнка лятаў туды на прыватным, арандаваным у турэцкай кампаніі, самалёце разам з сям'ю пасажырамі. Яны, імаверна, не праходзілі пашпартны кантроль і ляцелі пад падстаўнымі імёнамі. Па падліках журналістаў, прэзідэнт выдаткаваў на канікулы прынамсі 500 тысяч даляраў.

Аб гэтым паведамляецца ў расследаванні ўкраінскай праграмы «Схемы».

Журналісты сцвярджаюць, што Парашэнка вылецеў з Кіева ў міжнародны аэрапорт горада Мале на Мальдыўскіх выспах 1 студзеня і вярнуўся 8 студзеня.

Аб вяртанні ў Кіеў «Схемы» даведаліся на публічным анлайн-рэсурсе FlightRadar. На ім яны прасачылі за самалётам з бартавым нумарам ТС-КМR, які перасёк Індыйскі акіян. Па інфармацыі журналістаў, у ім быў прэзідэнт Украіны.

Павялічыць выяву

Перад прыездам журналісты «Схем» зафіксавалі, як у аэрапорт Кіеў пад'ехала некалькі мікрааўтобусаў і Land Cruiser з выключанымі фарамі.

Пасля журналісты сфатаграфавалі пасадку прыватнага самалёта і адзначылі, што ён прыпаркаваўся ў найбольш аддаленай частцы аэрапорта.

Павялічыць выяву

«Журналісты «Схем» зафіксавалі, як самалёт спыніўся, а ўжо праз 4 хвіліны картэж пакінуў тэрыторыю аэрапорта. Ён складаўся з чатырох мультывенаў Volkswagen і Mercedes і з'ехаў на кальцавую дарогу», — распавялі ў «Схеме».

Адзначаецца, што картэж праехаў без пробліскавых маячкоў і мігцелак. Машыны накіраваліся ў пасёлак Козіна, дзе месціцца прыватны маёнтак Пятра Парашэнкі.

Журналісты даведаліся пра дэталі адпачынку прэзідэнта. У прыватнасці, стала вядома, што прэзідэнт узяў у арэнду прыватны самалёт Falcon 7X у турэцкай авіякампаніі Setair.

«Схемы» накіравалі ліст авіякампаніі і спыталі пра кошт пералёту на Falcon 7X. Згодна з прадстаўленай інфармацыяй, журналісты выказалі здагадку, што арэнда борта з прастоем на працягу амаль усяго перыяду адпачынку каштавала прэзідэнту прыкладна ў 154 000 еўра.

Павялічыць выяву

Адзначаецца, што ў самалёце 1 студзеня вылецелі з Кіева на Мальдывы, а 8 студзеня вярнуліся ў сталіцу 8 пасажыраў — 3 мужчын і 5 жанчын. Аднак сярод імёнаў пасажыраў не было ні прэзідэнта, ні сяброў яго сям'і ці іншых вядомых імёнаў.

Павялічыць выяву

Акрамя таго, яны даведаліся, што Парашэнка адпачываў на Мальдыўскіх выспах з 2 па 8 студзеня ў пяцізоркавым курортным гатэлі Cheval Blanc. Ён складаецца толькі з прыватных віл пасярод Індыйскага акіяна.

Павялічыць выяву

«З аэрапорта Мале, куды прэзідэнт і яго госці прыляцелі чартарам, яны дабраліся да астраўнога курорта. 8 дарослых і 2 дзяцей пасяліліся на самай дарагой віле курорта, які размешчаны на асобнай выспе», — гаворыцца ў расследаванні.

Павялічыць выяву

Павялічыць выяву

Украінскі прэзідэнт адпачываў там з гасцямі на працягу сямі дзён і шасці начэй.

У «Схеме» адзначаюць, што на курорце Парашэнка фігураваў пад імем Mr. Petro Incognito (Ukraine). Журналісты тлумачаць, што гэта тыповая паслуга для курорта такога ўзроўню — забеспячэнне поўнай ананімнасці па просьбе госця.

Паводле інфармацыі крыніц журналістаў, прэзідэнт выдаткаваў за пражыванне 276 000 даляраў. Таксама ў яго былі дадатковыя выдаткі — 37 550 даляраў. 

Усяго, па падліках журналістаў, Парашэнка выдаткаваў на калядны адпачынак на Мальдыўскіх выспах не менш за 500 000 даляраў.

Павялічыць выяву

Журналісты адзначылі, што даслалі запыт у адміністрацыю прэзідэнта разам з доказамі паездкі Парашэнкі. На наступны дзень адміністрацыя прэзідэнта пацвердзіла факт адпачынку кіраўніка дзяржавы на Мальдывах агенцтву «Інтэрфакс-Украіна».

За дзень да эфіру праграма «Схемы» атрымала адказ на запыт з аналагічным тэкстам. У прэзідэнта прызналі сам факт паездкі і запэўнілі, што ён задэкларуе выдаткі на яе.

1
Tomas / адказаць
21.01.2018 / 18:02
Деньги  конечное его, но стоит ли так себя вести когда в стране 60% населения в проголодь живут? Много денег он украл, а не заработал.
0
Мik / адказаць
22.01.2018 / 01:08
Почему они старые? Где молодежь?
0
Альфа / адказаць
25.01.2018 / 18:48
DW узнала о нарушении Порошенко закона об отмывании денег в Германии

Подробнее на РБК:
https://www.rbc.ru/business/25/01/2018/5a6970249a7947dba790df58?utm_source=vk_rbc
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31