Радзькоў: Патэнцыял «Белай Русі» як грамадскага аб'яднання яшчэ не вычарпаны
Патэнцыял «Белай Русі» як грамадскага аб'яднання яшчэ не вычарпаны. Пра гэта сёння заявіў старшыня РГА «Белая Русь» Аляксандр Радзькоў на ІІІ з'ездзе аб'яднання ў Мінску, паведамляе БелТА.
«Белая Русь» глядзіць на жыццё краіны з агульнадзяржаўных і агульнанародных пазіцый, сказаў ён.
«Паколькі ідэалагічным стрыжнем «Белай Русі» была і застаецца падтрымка палітыкі Аляксандра Лукашэнкі, то дзейнасць арганізацыі не факусуюць вакол барацьбы за ўладу. Гэта дае магчымасць аб'яднанню узважана глядзець на ўсе працэсы з агульнадзяржаўных, агульнанародных пазіцый», — сказаў Аляксандр Радзькоў.
Паводле яго слоў, «Белая Русь» стала агульнанацыянальным народным рухам. «Гэта пляцоўка для дыялогу прадстаўнікоў розных груп, аб'яднанняў, партый, арыентаваных на супрацоўніцтва з уладай», — заявіў Радзькоў.
Ніводнага намёку на пераўтварэнне «Белай Русі» ў палітычную партыю ён не зрабіў.
