Apple будзе прадаваць «разумную» зубную шчотку за $100
Colgate і Apple анансавалі высокатэхналагічную зубную шчотку. Яна мае назву Е1, здольная даваць зваротную сувязь у рэжыме анлайн, складаць «карту» ротавай поласці і выкарыстоўваць гукавыя вібрацыі для выдалення большае колькасці налёту, перадае Business Insider.
Каб выклікаць у дзяцей захапленне ад чысткі зубоў, Colgate нават зрабіў гульню для iPhone, якая выкарыстоўвае зубную шчотку ў якасці кантролера. Чым даўжэй вы чысціце, тым больш манет вы будзеце збіраць.
Для дарослых жа будзе карысная розная інфармацыя аб стане зубоў, якая будзе перадавацца на iPhone.
Як запэўнівае кампанія Colgate, E1 можа працаваць да 10 дзён ад аднаго зарада. Цана ў ЗША складзе $99,95, а купіць «разумную» шчотку атрымаецца толькі на сайце Apple або ў некаторых крамах кампаніі.
