Знайсці
25.05.2018 / 08:425РусŁacБел

Топ-9 бараў і рэстаранаў Кіева

Сталіца Украіны стала папулярным месцам адпачынку для беларусаў. Нашых грамадзян Кіеў прыцягвае блізкасцю да Беларусі, багатым культурным жыццём і адносна невялікімі цэнамі ўстаноў грамадскага харчавання. У Кіеве існуе вялікая колькасць цікавых тэматычных бараў і рэстаранаў, якія могуць быць цікавымі ў тым ліку і беларускім турыстам. «Наша Ніва» склала топ-9 канцэптуальных бараў і рэстаранаў Кіева, якія могуць быць цікавымі беларусам. У тым ліку і тым, што выправяцца ў Кіеў у суботу на фінал Лігі чэмпіёнаў.

1. Parovoz

вул.Чырвонаармейская, 19 (метро Плошча Льва Талстога)

Кінатэатр «Кіеў»

12.00 — 03.00

Заснаваны ў 2002 годзе, бар Parovoz займеў другое дыханне разам з новай канцэпцыяй, інтэр’ерам і прыстаўкай SpeakEasy у назве. З той пары штогадова ён займае першыя месцы ў рэйтынгах кіеўскіх кактэйльных бараў. Наведвальнікі адзначаюць яго ўнікальную атмасферу, кактэйльную класіку з «твістамі», і адну з лепшых сярод бараў Кіева кухань.

2. Бармен Диктат

вул. Хрышчацік, 44 (метро Тэатральная)

18.00 — 06.00

Адносна новы бар, які адкрыўся ў 2016 годзе на месцы былога арт-клуба «44», знаходзіцца на самым Хрышчаціку. Але трэба зайсці ў двор, каб туды патрапіць — арыентуйцеся на ўказальнікі. Есць жывая музыка, пераважна ў стылі рок і джаз.

3. Lisopylka

вул. Старасельская, 1а

16.00 — 01.00

Нягледзячы на тое, што гэты бар знаходзіцца адносна далёка ад цэнтра, на левым беразе Дняпра, эксперты лічаць яго адным з найлепшых бараў з крафтавым півам і багатым выбарам кухні. Lisopylka пазіцыянуе сябе як месца, дзе «няма пафасу, штучнасці, дэкарацый, дзе ўсё сапраўднае, нават пілы на сценах і стосы дроў — не дэкаратыўныя, а тыя, на якіх мы вэндзім рабрынкі».

Карыстальнікі Foursquare адзначаюць, што бар мае смачную кухню, але выбар ежы, у адрозненне ад алкаголю, не такі вялікі.

4. Argentina Grill

вул. Маршала Цімашэнкі, 18 (метро Мінская)

08.00 — 02.00

Хаця гэтая ўстанова і пазіцыянуе сябе ў першую чаргу як грыль-рэстаран, але тут ёсць вялікая вінная карта. Гэтае месца ў першую чаргу можа быць цікавым для тых, хто хоча адпачыць з сям’ёй ці калегамі па працы.

Але галоўнай адметнасцю ўстановы з’яўляецца ўсё ж не алкаголь, а мясныя стравы аргенцінскай, іспанскай і італьянскай кухні.

5. Китайский привет

вул. Івана Франка, 7 (метро Залатыя Вароты)

12.00 — 23.00

Установа, як вынікае з назвы, прысвечана кітайскай кухні. Ад іншых месцаў з кітайскай кухняй рэстаран адрозніваецца наяўнасцю не толькі традыцыйных для такіх месцаў локшыны і рысу, але і шматлікіх страў з ялавічыны, качкі, свініны, курыцы і бараніны ў вострых соўсах і густых азіяцкіх супоў.

Выбар алкаголю таксама вялікі. Аматары экзотыкі могуць паспрабаваць японскае крафтавае піва (але яно каштуе каля 10 даляраў). Калі гэта дорага для вас, у якасці альтэрнатывы там ёсць адносна таннае піва ўласнай вытворчасці і некалькі кітайскіх кактэйляў.

6. ORANG+UTAN

вул. Сімона Пятлюры, 16/108 (метро Універсітэт)

вул. Сечавых Стральцоў, 72 (метро Лук’янаўская)

10.00 — 22.00

Гэтая ўстанова пазіцыянуе сябе як вегетарыянскі сэндвіч-бар. Алкаголю тут няма. У меню можна знайсці сем пазіцый сэндвічаў, салаты, а таксама смузі з высокай энергетычнай каштоўнасцю.

7. Wood You Like Bar

вул. Межыгорская, 24 (метро Кантрактовая Плошча)

09.00 — 02.00

Невялікі ўтульны з бар у самым сэрцы і гістарычным цэнтры ўкраінскай сталіцы — на Падоле. Месцы ёсць як за стойкай, так і на маленькіх канапах. Установа пазіцыянуе сябе як моладзевая кропка з вялікай кактэйльнай картай. Месца добрае ў першую чаргу для сустрэчы з сябрамі і адпачынку. У аснове інтэр’еру прысутнічае дрэва, што вынікае з назвы ўстановы.

8. Black Tot Bar

вул. Вялікая Жытомірская, 16 (метро Майдан Незалежнасці)

06.00 — 02.00

Бар знаходзіцца ў самым цэнтры Кіева каля Сафійскай плошчы, Андрэеўскага ўзвозу. Галоўны напой гэтай установы — ром (каля 45 відаў). Гэта не кавярня, не рэстаран з барнай картай, не кальян, не дыскатэка, а кактэйльны бар — акрамя рому, яны прапануюць каля 30 кактэйляў. Кожны госць атрымлівае бясплатную чарку рому.

У аснове інтэр’еру вінтажная галандская мэбля 50-ых гадоў.

9. Уся вуліца Шата Руставэлі

На гэтай пазіцыі мы не здолелі вылучыць нейкую асобную ўстанову. Гэтая вуліца мае велізарную канцэнтрацыю бараў, кожны з якіх з’яўляецца цікавым і ўнікальным. У некаторым сэнсе вуліца нагадвае мінскую вуліцу Зыбіцкую.

Большая частка бараў канцэнтруецца на кавалку вуліцы паміж станцыямі метро «Палац Спорту» і «Плошча Льва Талстога».

Максім Маханькоў

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера