Двое загінула ў лабавым сутыкненні фуры і легкавіка пад Слонімам ФОТА
Сёння каля 11.20 на аб'язной дарозе паблізу вёскі Тушэвічы адбылося лабавое сутыкненне грузавога аўтамабіля «Вольва» з легкавым «Hyundai». Легкавы аўтамабіль, у якім знаходзіліся чатыры чалавекі, рухаўся з боку Мінска і сутыкнуўся з цягачом, які рухаўся насустрач, паведамляе «Слонімскі веснік».
Фота — slonves.by
— У выніку ДТЗ двое пасажыраў легкавіка загінулі, астатнія дастаўлены ў Слонімскую ЦРБ з цялеснымі пашкоджаннямі, — расказаў Яўген Ерашэнкаў, начальнік Слонімскага раённага аддзела Следчага камітэта Рэспублікі Беларусь.
Паводле ўдакладненых звестак, кіроўца легкавіка 1982 года нараджэння не даў рады кіраванню, выехаў на паласу сустрэчнага руху і сутыкнуўся з грузавіком Volvo, які рухаўся ў сустрэчным напрамку.
У выніку ДТЗ двое пасажыраў Hyindai, 1956 і 1975 гадоў нараджэння, загінулі, а сам кіроўца і яшчэ адзін пасажыр, 1963 года нараджэння, шпіталізаваныя.
Фота — slonves.by